İşğalciler Melitopol rayonını hırsızlaylar. Bugün saba şeerden vaqtınca işğal etilgen Qırım yönelişine 15 urluq maşnası ketti. Elbette, yerli hain-işdeşlikçilerniñ yardımınen yapıldı. Amma tek olar degil hırsızlanğan şeyler vastasınen para qazanmağa isteyler. Şeerde ukrainalılardan hırsızlanğan ve “Z” arfinen işaretlendirilgen maşnalarnen taksicilik yapqan rus askerlerini körmek mümkün.

Mayıs ayınıñ 25-inden itibarınen

Zaporijjâ vilâyeti

Rus tolu masştablı Ukrainağa tecavuzınıñ başlağıcınen Zaporijjâ vilâyetiniñ büyük qısmı işğalge oğradı. Başqası ise toqtamağan tarzda ücümler ve ateşler astında tutula. Duşman daal tarzda aviatsiyanı qullan, bugün saba ise vilâyet merkezine dört qanatlı raketanı çıqardı. Birini bizim AQMmız yoq etti, üçü ise Şevçenkiv ve Oleksandriv rayonlarındaki grajdan obyektlerine urdı. Patlamalar neticesinde şahsiy sektronıñ eñ az 62 evi, alış-veriş merkezi ve diger binalar bozuldı.

Bu, tek bir künniñ neticeleridir. Duşman toqtamağan tarzda mesken, astyapı, yaşayış teminatı obyektleri, epsini viran ete. Ağlar, tiremeler ve donatma bozulğan sebebinden şu anda 75ten ziyade meskün yerde 24,1 biñden ziyade abune elektriksiz qaldı.

Keçken gece Preobrajenka köyüni ve Orihiv şeeriniñ qısmını elektriknen temin etken Orihiv rayon bölüginiñ elektrik yolağları kene de bozuldı. Deyerli 3 biñ qoranta elektriksiz qaldı. Birazdan işğalciler aynı zamanda 3 35 kV yüksek voltlı yolağını ve 3 ast bölügini bozdılar. 11 meskün yerniñ 17,3 biñ abunesinde ışıq kesildi. Bahtına, bu qazalar künniñ soñuna qadar temir etildi. Amma bu tür çare pek siyrek bar. Misal içün, Ğulâypole, Vasılivka, Poloğı ve qısmen Orihiv rayonlarındaki yolağlarını ve donatmanı temir etmek imkânsız qala.

Ateşler neticesinde Preobrajenka köyü yanındaki üleşitirici gaz borusı bozuldı. 848 köy evi gazsız qaldı. Şu anda Berdânsk ve Melitopol rayonlarınıñ 48 meskün yeri gazdan kesildi. Donetsk vilâyetiniñ toprağında gaz yollağan magistral gaz borusı bozuldı. Endi uzun zamandır oñı temir etmek içün imkân olmay. Umumen vilâyetindeki 89 meskün yerniñ 71,3 biñ abunesi gaz yoqluğı sebebinden azap çeke.

Suv teminatı ve üleşitirmesinen vaziyetni keçenlerde haberdar ettik. Şu anda o deñişmedi.

Faqat alâqanen meselelerniñ sayısı arttı. Berdânskta ve deyerli tüm işğal etilgen topraqta ruslar onı zayıflaştıralar. Melitopolda ise tamamınen yoq etti. Bu, arbiy tehnikalarınıñ Herson vilâyetiniñ yönelişine ketirilmesinen bağlıdır. Bundan ğayrı, şeerde daa bir blok noqtasını tiklediler, avtomatlarnen askerlerni yerleştirip maşnalarnı teşkereler.

Aslında vilâyetiniñ işğal etilgen rayonlarında çekilmek daa zor ola. Ve bu, insan aqalrını daa bir bozmasıdır. Rus tecavuzcıları aselet azat olaraq yerni deñişmege mania olalar ve böylece anda suniy bir gumanitar buhran yaratalar.

İşğal etilgen topraqlarda işğal memuriyetleri “ruble zonası”nı yapmağa tırışa. İşğal etilgen bir qaç şeer ve qasabada pensiyalarnı ve içtimaiy ödemelerni rus parasınen ödemege söz bere.

İşdeşlikçiler ve hainler işğalcilerge ukrain vatandaşlarını hızsızlamağa da yardımcı olalar. Ayrıca işdeşliginden vazgeçken qanuniy akimiyetniñ vekillerini avlanalar.

Dercde, Zaporijjâ vilâyet devlet memuriyetiniñ resmiy Facebook saifesinden alınğan malümat qullanıldı. Vilâyetiniñ toprağında arbiy areketler devam etkeni sebebinden vilâyetiniñ vaziyetini ögrenmek şu anda imkânsız qalır.