burger

Reintegratsiya nazirligi ortaqlarınen USQniñ ihtiyacı içün donatılğan reanimatsiya avtomobilini berdi

Опубліковано 25 May 2022 року, о 11:57

Vitse baş nazir – Ukrainanıñ vaqtınca işğal etilgen topraqlarınıñ reintegratsiya meseleleri naziri İrına Vereşçuknıñ emrine mücibi, Reintegratsiya nazirligi ortağı “Meramet ve sağlıq fondu” HTnen beraber cebe sıñırında arbiy vazifelerni yerine ketirgen USQniñ Topraq ordularınıñ 5. ayrı ücüm polkınıñ askerleri içün acele tibbiy yardım avtomobilini aldı.

Bugün, mayıs ayınıñ 25-inde, Kıyıv şeerinde Ukraina Silâlı Quvetlerine bu avtomobil berildi.

Körüşüv vaqtında nazirniñ muavini Oleksiy Borodaynıñ qayd etkenine köre, reanimatsiya avtomobili, qorçalayıcılarımınıñ ayrı diqqatqa ihtiyac duyğanları eñ kergin cebe yerlerinden birine yollanacaq.

«Avtomobil, naqil vaqtında eñ semereli tarzda yardım bermege imkân bergen zemaneviy tibbiy ciyezlernen donatılğandır. Şu anda faa arbiy areketlerniñ devam etkeni topraqlar içün ekimlerniñ telükesiz ve tez tarzda yaralanğanlarnı ateşler zonasından tahliye ete, kerekli ilk yardım ete ve şifa müessisesine ketire bilmeleri pek müimdir», – dep Oleksiy Boroday qayd etti.

Bu yönelişteki iş devam ete. “Meramet ve sağlıq hayriye fondu” HTnen işdeşlik aqqında imzalanğan memorandum çerçivesinde kelecekte Reintegratsiya nazirligi, USQniñ askerlerine daa bir qaç acele tibbiy yardım avtomobilini bermege planlaştırır.