Davosta “Free Ukraine” hayriye aqşamınıñ musafilerinen selâmlağanda Vitse baş nazir İrına Vereşçuk, rfnıñ devletimizge qarşı tecavuzı aqqında hatırlattı ve Ukrainanı desteklemege çağırdı.

«Biz siznen beraber bu cenkni bitire bilirmiz. Putin, mustaqil suveren bir devletke ücüm etmege yasaq olğanını añlamalı. Dünya sakşnligi, halqara gumanitar uquq, em de bugünki dünyanıñ turğanı medeniy boşluq, qıymetler, printsipler bar. Bu, sıñırlarnı bozmama, devletlerniñ mustaqilligi, demokratiklik, adalet printsipleridir. Bu, tüm halqara aktlarnıñ temeline qoyulğan ana printsiptir – ayat ve serbestlik aqqı», – dep memur qayd etti.

Onıñ sözlerine köre, yaşamaq ve öz akimiyetimizni saylamaq aqqımız bar. Söz serbestligi aqqımız ve ne yerge kirmek ve öz kelecegimizni planlaştırmaq aqqımız bar.

«Biz bu aq içün küreşecekmiz!», – İrına Vereşçuk qayd etip, bugün Ukrainanıñ avropa medeniy dünyasınıñ parçası olmaq aqqı içün qannen küreşkenini qoştı.

O da qayd etti ki, devletimiz silâ tutaraq tüm cebelerde siyasiy, iqtisadiy, diplomatik olaraq cenkleşe. Duşmanlarımız, rfnıñ toprağına qoyulğan demir divarnıñ Ukrainanıñ ğarbiy degil, şarqiy sıñırında olacağını bilmeliler.

İrına Vereşçuk halqara cemaatqa göñülden teşekkür bildidi ve Ukrainanı desteklemege çağırdı.

Bugün ordumız, motivatsiya ve ğalebe qazanma büyük isteginden ğayrı toprağımızdan duşmannı quvmaq içün oña beñzegen ağır silâ almalı, dep İrına Vereşçuk diqqat celp etti.

«Bu silânı almaq ve toprağımızdan duşmannı quvmaq aqqımız bar, vaqtınca devlet içinde alınğan kişilerniñ ise qorçalama ve oñaytlıq aqqı bar. Qayğırmanı duymaq aqqı bar. Ve bu tür adımlar ve leyhalar devam etse, bizge tep minnetdar olacaqmız», – dep memur qayd etti.

O inandırdı: Ukraina mıtlaqa ğalebe qazanacaq, ve bu, Avropanen ortaq qocaman ğalebe olacaq.