Ukrainanıñ vaqtınca işğal etilgen topraqlarınıñ reintegratsiya meseleleri nazirligi, Ükümetniñ nezareti astındaki topraqqa ketirilmesinden berli ve yañı yerde yerleştirilmesine qadar “Azovstal”dan azat etilgen vatandaşlarnı destek etmege yardım ete.

Bugün ilk tahliye dalğasınıñ 69 kişisi ve ekincisinden ise 37 kişi bu tür yardım aldı.

Bir qaç tafsilâtlar.

Bu cümleden, Reintegratsiya nazirliginiñ, hayriyetçiler ve “Mariupol SOS” CTniñ yardımınen tahliye etilgenlerge para yardımı berildi.

Ekinci basamaqta tahliy eteilgen kişilerniñ, teşkiliy meseleleri çezilgeni ve bank kartları vesiqalaştırılğanı bir qaç kün Zaporijjâda yaşamaq imkânı bar edi.

“Azovstal”dan tahliye etilgen daa 65 mariupollı Prıkarpattâğa bir aylıq reabilitatsiya içün ketti. Onıñ programması, ruhiy yardımnı da esapqa alır.

Reintegratsiya nazirligi, ketecek yerine transernen, aş ve yol içün benzinnen temin etti.

Tamam anda zapt etilmegen şeerniñ tahliye etilgen sakinleriniñ yerleşkeni tatil şeerçiklerinden biri olğan Prıkarpattâda Nazirliginiñ mütehassısları mariupollılarnı üç kerelik aşnen temin ettiler, olarğa devlet içinde alınğan kişi (DAK) malümatnamesini, pensiya ve ödemelerni vesiqalaştırmağa yardımcı oldılar. Bu cümleden, halqara teşkilâtlardan ve fondlardan.

Misal içün insanlar BMTnıñ Qaçaqlar meseleleri yuqarı komissarınıñ İdaresinden bir kişi içün 6,6 biñ grivnalıq para yardımını aldılar. Halqara “Karitas Ukraina” hayriye fondundan ise gumanitar yardım: urba, gigiyena eşyaları, oyunlar, ayaqqabı aldılar. Ükümetsiz “Save the Children” teşkilâtından ise balalrnen er bir aile azası içün bir kerelik para yardımını aldılar.

Ukainanıñ vaqtınca işğal etilgen topraqlarınıñ reintegratsiya meseleleri nazirligi, devlet içinde alınğan kişilerniñ içtimaiy, gumanitar ve maliyeviy vaziyetini takip etmege, ve cenk neticesinde destekke ihtiyac duyğanlarğa yardım etmege devam etecek.