Cebe sıñırı yanında ve muntazam ateşler astında – üç aydır Mıkolayıv vilâyetiniñ cenübiy köyleri tamam böyle yaşar. Olarnıñ biri Kotlârevedir. Onıñ civarındaki gaz sisteması patlamanen yoq etildi, ışıq ta bazıda kesilir. Bunıñ içün sakinlerniñ 90%-i çıqtı, aslında qart insanlar qaldı.

Deyerli er kün bu köy rus ateşi astındadır. Bazı azbarlarğa toplar bir qaç kere oğradı. Çoq ev bozuldı. Amma yerliler, köyniñ işğal astında olmağanına quvanalar, Ukraina SQne işanaraq mında qalırlar.

Mayıs ayınıñ 31-inden itibarınen

MIKOLAYOV VİLÂYETİ

Tolu masşatblı tecavuzdan berli Mıkolayıvnı rus tecavuzcıları zapt etmege ıntılırlar. Etraftaki köyler olar içün ciddiy bir mania oldı. Duşman mevafaqiyetsiz olğanı içün ağır silâ qullanaraq muntazam tarzda ateş açar.

Keçenlerde kiçik balalarnen aileniñ tamam bulunğanı şahsiy evge top oğradı. Bahtınaü er kes sağ qadlı. Tahminen on qoşma ev, azbar, şahsiy degirmen, et üleştirici müessisesiniñ sanayı odaları ve suv borusı bozuldı.

Olar çoqusı allarda uzaqtan toplarnen ve “U-Noqtası” raketa kompleskinden qanatlı raketalarnen ateş açarlar. Keçenlerde bu silânen Novıy Buh şeerini ücüm ettiler. Raketalar şeerniñ merkeziniñ mesken ve ofis kvartallarına oğrap, binalarnı ve astyapını ciddiy olaraq bozdılar.

Baştan rayonında tecavuzcılar İnhulsk ve Şırokıv cemaatlarını ateşke tuttılar. 7 mesken ev viran etildi, 15 mesken ev ve aşhane bozuldı. Bereznehuvat cemaatında bazı bozmalar bar, şu anda malümat ögrenile.

Mıkolayıv rayonı da muntazam ateşlerge oğrar. Anda Oçakiv şeeri, Şevçenko ve Halıtsınivka cemaatları eñ çoq zarar kördi. Oçakivde gaz üleştirici noqtası bozuldı, mesken evlerdeki pencereler qırıldı, bazı rayonlarda gaz ve elektrik teminatı toqtatıldı. Diger meskün yerlerde neticelerniñ malümatı daa öğrenile.

Rus tecavuzından berli vilâyetinde 4 biñden ziyade grajdan obyekt ya qısmen bozuldı ya da tamamınen viran etildi.

Olarnıñ arasında:

– mesken fond – 2,7 biñ;

– tibbiy müessise – 34;

– tasil müessisesi – 196;

– medeniyet müessisesi – 95;

– sanayı teşkilâtı – 38;

– başqa yaşayış teminatı obyektleri: gaz – 244, elektrik – 364, suv – 20, qızdıruv teminatı – 69;

– arbiy olmağan başqa obyektler – 250.

Şu anda vilâyetinde deyerli 4,4 biñ qullanıcı gazsız qalır. Baştan ve Mıkolayov rayonlarınıñ 93 meskün yeri ışıqsız, suvsız ve kanalizatsiyasızdır. Suv olğan yerlerde çoqusı allarda o tehnikiy ve uzun vaqıt devamında da böyle olacaq.

Keçenlerde kibi, göñülli tahliye devam eter. Faqat şu anda çoq insan qayta.

Misal içün, arbiy areketlerniñ sıñırı olğanına baqamadan Mıkolayıvdan 6-8 km uzaqlığında olğan Şevçenkovo qasabasına insanlar qaytarlar.

Yerli akimiyet, bunıñ ayat içün pek telükeli ola bilgenini tenbiyeley.

Dercde, Mıkolayıv vilâyet devlet memuriyetiniñ resmiy Facebook saifesinden ve resmiy saytından alınğan malümat qullanıldı. Vilâyetiniñ toprağında arbiy areketler devam etkeni sebebinden vilâyetiniñ vaziyetini ögrenmek şu anda imkânsız qalır.