Mayıs ayınıñ 31-inde Vitse baş nazir – Ukrainanıñ vaqtınca işğal etilgen topraqlarınıñ reintegratsiya meseleleri naziri İrına Vereşçuk, İsviçre Tışqı işler federal departamentiniñ devlet kâtibiniñ muavini Simon Heyssbülernen körüşti.

Körüşüvniñ esas meselelerinden biri, rusiyege sürgün etilgen ukrainalılarnıñ qaytarıluv halqara mehanizmleri ve habersiz ğayıp olğanlarnıñ qıdırıluvı oldı.

Vitse baş nazir İsviçre delegatsiyasına añlattı ki, zornen sürgün etilgen kişilerniñ esas meselesi, vesiqalarnıñ olmaması qalır. Bunıñ içün Ukrainada elektron bir vesiqanı aluv mehanizmi azırlanır. Daa İrına Vereşçuk çet ülkelerge acele tazrda ketken faqat aqrabaları olarnı habersiz ğayıp olğan olaraq sayğan ukrainalılarnı hatırladı. Ve neticesinde Ukrainada olarnıñ qıdırılması devam eter. Ve bu kibi allarda İsveçre tarafı, bu insanlarnı qıdıruv ceryanınıñ idaresine qatıla bilir edi.

Körüşüvde Vitse baş nazir, bu kibi zor vaqıtlarda yardım içün isviçre delegatsiyasına teşekkür ve kelecek semereli işdeşligine ümüdini bildirdi.