burger

Vitse baş nazir İrına Vereşçuk, Rus tecavuzı neticesinde Ukrainağa ketirilgen zararlarnıñ auditini yapma eyyetiniñ ilk oturışını keçirdi

Опубліковано 3 June 2022 року, о 10:44

Cumaaqşamı künü 2022 s. iyün ayınıñ 2-sinde Rusiye Federatsiyasınıñ silâlı tecavuzı neticesinde Ukrainağa ketirilgen zararlarnıñ auditini yapma eyyeti ilk kere çalışmağa başladı. Ukraina vitse baş naziri – Ukrainanıñ vaqtınca işğal etilgen topraqlarınıñ reintegratsiya meseleleri naziri İrına Vereşçuk, Eyyetniñ başlarından biri olaraq tayinlendi.

«Eyettniñ vazifesi, kelecekte halqara ortaqlarımıznen beraber Rusiyeni er şey ödemege mecbur etmek içün, ketirilgen zararnıñ yañıdan qurulmasınıñ fiyatını tesbit etüv usullarını tüşünip çıqarmaqtır!», – dep vitse baş nazir qayd etti.

Eyyetniñ, Milliy Ukrainanı yañıdan qurma şurasında teşkil etilgen iş gruppasını quvetlendirmek kerekligini de qoştı.

Bundan ğayrı, Eyyet Ukrainanı yañıdan qurmaq içün zarar ve ihtiyaclarnı tez tesbit etüv halqara usullarını qullanmaq içün Dünya bankınen işdeşligini planlandırır.

Rusiye Federatsiyasınıñ silâlı tecavuzı neticesinde Ukrainağa ketirilgen zararlarnıñ auditini yapma eyyetiniñ, Ukraina Prezidentiniñ 2022 s. mayıs ayınıñ 17-sindeki №345/2022 “Cenk neticesinde Ukrainağa ketirilgen zararnı tesbit etme aqqında” emirine mücibi teşkil etilgenini qoşamız