Teşebbüsçisi Prezidentniñ qadını Olena Zelenska olğan Milliy ruhiy sağlıq ve ruhiy-içtimaiy destek programması çerçivesinde bu oquv keçirildi. Bu, Olena Zelenska ve İsrailniñ İlk qadını Mihal Hertsoh arasındaki añlaşmanıñ neticesidir.

Sürgün etilgen meselelrei bölüginiñ reberi Nataliya Yemets Reintegratsiya nazirliginiñ vekili edi.

Nataliyanıñ vaifeleri arasında – nazirlikniñ eñ zor faaliyet yönrlişlerinden biridir. Prioriteti – işğalcilerniñ VİETğa ya da rfna qanunsız olaraq sürgün etilgen ukrain balalarını qıdırmaq ve evlerine qaytarmaqtır. Bugünge qadar Natliya Yemetsniñ ve işdeşleriniñ ğayretlerinen 50 ukrain balası endi qaytarıldı.

«Bizim içün torrorizm ücümleriniñ neticeleriniñ yoq ettirilmesine mahsuslaştırğan Yara ve sebat NATAL merkezinde bu beş künlik oquv programması pek faydalı edi, – dep ihtisaslı qayd etti. – Cenk şartlarında insanlarnıñ ruhiy sağlığını saqlamaq – ilk planındadır. Biz zemaneviy dünya ameliyatlarınen tanıştırıldıq».

Reintegratsiya nazirliginiñ taqımı, ögrengeni bilgilerni öz işinde qullanacağını endi köre.

«Men ve işdeşlerimniñ çalışqanımız er bir qısım, er bir ikâye – tek mütehassıslıq degil, em de dayanuv imtianıdır. Yanında er vaqıt insan ağırı, şokı, faciası bar. Ve netice tamam mütehassısnıñ vaziyetinden bağlıdır», – Nataliya ayta.

İsraildeki Ukraina elçiligi leyhanı teşkil etmege ve ozğarmağa yardımcı oldı. Lehistandaki Ukraina elçiligi oquv programmasınıñ iştirakçilerine destek ete edi.

Hatırlatamız ki, Milliy ruhiy sağlıq ve ruhiy-içtimaiy destek programmasınıñ maqsadı ukrainalılarğa cenk sebebinden peyda olğan stres, ruhiy hastalıqlarnı evelden yoq etmege yardım etmektir. CSSTnıñ desteginen ukrain ve yabancı mütehassıslarınen birlikte Ukraina Sağlıq nazirligi onıñ kirsetilmesini koordinatsiya ete.

Foto – Eli Hanania