Ruslan Sadovskıy – rozetkalar ve söndürgiçlerni yapqan kiçik müessiseniñ saibidir. rfnıñ tolu miqyaslı tecavuzı Ruslannı Kıyiv şeerinde qarşılaştı, rus ordusı şeerniñ qısmını vaqtınca işğal etkende ve er kün ateşler başlağanda Harkivteki onıñ müessisesi ise toqtatıldı.

Müessiseniñ saibi biznesniñ yerini deñiştirmek içün deral ariza berdi ve çabik cevap aldı – müessiseni Hotın cemaatına ketirmege qarar berildi.

“Deral Harkiv şeerine kettim. Ateşler astında, ava mudafaa sisteması menden 300 metrelik uzaqlıqta edi. Qorqunç edi”, – dep adam hatırlay.

Hotında Ruslan Sadovskıynıñ biznesi yañı iş yerlerini yarattı. Şu anda müessisede 17 işçi çalışa, olarnıñ 90%-i – yerli sakinlerdir.

İş adamı kelecegini planlaştıra ve cenkke baqmadan biznesni inkişaf etmege arzu ete.

“Er kes öz işini yapa ve birlikte becerecekmiz”, – dep Ruslan Sadovskıy ayta.