Aftanıñ soñundan paytahtta Cenkten zarar körgenlerge ruhiy yardımnı teşkil etmek içün eyyteler arası koordinatsiya şurasınıñ strategik bir sessiyası keçirildi. O, Ukraina ilk qadını Olena Zelenskanıñ teşebbüs etkeni Milliy ruhiy sağlıq ve ruhiy-içtimaiy destel programmasınıñ çerçivesinde keçirildi.

Tedbirniñ maqsadı – farqlı müessiselerniñ vekillerini ealiniñ çeşitli gruppaları içün ruhiy sağlıq maqsatlı hızmetlerini azırlamasına çekmektir.

Sessiyağa Olena Zelenska, bağlı olğan nazirliklerniñ ve müessiselerniñ, Yuqarı Şurasınıñ, halqara teşkilâtlarnıñ vekilleri ve ihtissaslar qatıldı.

“Cenkniñ qaldırğanı ruhiy yaralarnı tedaviyletmek, ğalebemizniñ müim bir parçasıdır. Ve bu, Milliy ruhiy sağlıq ve ruhiy-içtimaiy destek programmamıznıñ işidir. Ruhiy yardım tibbiyet kibi tarqatılğan olmalı. Devletniñ er bir sakini onıñ qullana bilmesi içün”, – dep Olena Zelenska qayd etti.

Hatırlatamız ki, Milliy prorgammanıñ maqsadı, vatandaşlarnıñ ruhiy bozmalarnı evelden yoq etmek içün olarğa cenknen ve travmatik vaqialarnıñ neticelerinen bağlı olğan stressni keçirmege yardım etmektir. Ukrain ve halqara mütehassıslarınen yaqın işdeşliginde Sağlıq nazirligi onı azırlamaqta ve kirsetmekte. Bu teşebbüs DSQTnıñ yardımınen yerine ketirilmektedir.