Bugün bütün dünyada Habersiz ğayıp olğanlar künü qayd etile. Ukrainada bu mesele 2014 senesi peyda oldı ve rfnıñ tolu miqyaslı tecavuzı başlağanda ciddiyleşti. Şu anda Mahsuz vaziyetlerde habersiz ğayıp olğan kişiler meseleleri vekili Oleh Kotenko olarnıñ meseleleini çezmege çalışa.

Bugün o, Azovstalnıñ qorçalayıcılarınıñ ve 2014 senesinden ğayıp olğan olaraq sayılğan kişilerniñ qorantalarınen eki körüşüvni keçirdi.

Memur bulunğanlarnı inandırdı ki, Reinetgratsiya nazirligi ve Vekilniñ ofisi er bir kişini qıdırmağa devam eteler. Eñ aktual meselelerini de muzakere ettiler.

‘Aqrabaları ğayıp olğan insanlar içün er saniye ebediylik olaraq duyula. Bunıñ içün olarnı mümkün olğan qısqa vaqıt içinde tapmaq ve yaqınlarına yahşı haber bermek içün ğayret kösteremiz. Bizge hitap etken er kes duyuldı. Er kesni hatırlaymız. Er birini tapıp qaytarmaq içün er şey yapacaqmız!’, – dep Oleh Kotenko qayd etti.

Hatırlatamız ki, tolu miqyaslı tecavuzınıñ başlanğıcından öldürilgenlerniñ bedenlerini 11 deñişme keçirildi. Oleh Kotenkonıñ yardımınen Ukrainağa ayatını bergen askerlerniñ 541 bedeni berilip evine qaytarıldı. habersiz ğayıp olğan olaraq sayılğan 514 kişiniñ bulunğanı yerler de tesbit etildi.