Yañı oquv senesi yaqınlaşqanda Herson vilâyetiniñ işğal ‘akimiyeti’ rus programmasınıñ esasındaki mekteplerni açmağa istemege daa sıq bildire. Vaqtınca işğal etilgen topraqlardaki insanlarnı bu tür ‘oquv’ğa balalarını yollamağa mecbur etmek içün ruslar qorutalar ve ödemege söz bereler.

Faqat ana-babalarnıñ çoqusı añlaylar: bu tasil degil, primitiv ruslaştırmadır. Bunıñ içün imkânı olsa, ailelerinen beraber farqlı bölgelerge keteler.

Beklenile ki, sentâbr ayınıñ 1-inde Herson vilâyetiniñ mekteplerine cenkten evelki sayınıñ tek 25-30%-i baracaq. Buna baqmadan, tecavuzcılar vilâyetke derslerniñ qısmını alıp baracaq ‘ocaları’nı ketirdiler.

Ukrainanıñ vaqtınca işğal etilgen topraqlarınıñ reintegratsiya meseleleri nazirligi hatılata ki, atta bu tür vaziyette VİETdaki balalarnıñ ukrain programmasına mücibi online şekilde oqumağa imkânı olacaqtır:

• yerli mektepte;

• Ukrainanıñ nezaretindeki topraqlarında yereşken mektepte.

Aynı zamanda Herson vilâyetiniñ ocalarınıñ çoqusı işğalcilernen işdeşlik yapmağa razı olmaylar, bu tür areketler içün cinaiy meslüyet olğanını bileler.

Reintegratsiya nazirliginiñ keçenlerde endi haberdar etkeni kibi, bu sene baarde Ukrainada işdeşçilik ve rfna yardım içün cimaiy mesüliyet kirsetildi. Nazirlik VİETdaki qaysı faaliyetniñ qanunlı olıp-olmağanını tesbit etken qanun leyhasını da işlep azırladı.

Hatırlatamız ki, keçenlerde vitse baş nazir İrına Vereşçuk vaqtınca işğal etilgen topraqlardaki bütün seviyeli oquv müessiseleriniñ ocalarını işğalcilernen işdeşlik yapmamağa, Ukrainanıñ nezaretindeki topraqlarına köçmege çağırdı.