burger

İşğalden azat etilgen topraqlarda eñ çabik şekilde bağ ve internet yañıdan qurulacaq

Опубліковано 13 September 2022 року, о 14:04

Şimdi USQniñ duşmandan faal olaraq azat etkenleri meskün yerlerde tış dünyanen alâqa keri qaytarılmalı. Bu, insanlar aralarındave ükümetnen  kommunikatsiyasını yañıdan tikleycek. Ve İşğalden azat etilgen topraqlar meseleleri koordinatsiya ştabınıñ ilk adımlarından biri tamam böyle olmalı.

Esas provayderler ve internet-teşkilâtlarınen tünevin vitse baş nazir İrına Vereşçuknıñ başlığınen olğan iş oturışında acele areketlerniñ algoritmi añlatıldı.

Birinciden azat etilgen meskün yerler minasızlaştırılacaq, elektrika yañıdan temin etilecek, internet-provayderleri çağırılıp bağ qurulacaqtır. Harkiv vilâyetinde bu işler endi yapıla. Şimdi Balakliya şeerinde operatorlarnın biriniñ mobil alâqası endi yañıdan tiklendi. Bu topraqlarda da Starlink yoldaş alâqa sistemasını eñ çabik tarzda başltamağa planlaştırıla.

“İşğalden azat etilgen topraqlarda istiqrarlı mobil alâqa ve interten bağı – Koordinatsiya ştabınıñ esas vazifelerinden biridir. İşğalden azat etilgen topraqlarnıñ sakinleriniñ rus zombi-KHVnıñ haberler qamaçavından eñ çabik tarzda çıqmaları, yaqınları ve dostlarınıñ seslerini duymaları içün er şey yapacaqmız!” – dep İrına Vereşçuk qayd etti.