Harkiv vilâyetinde yañı bir leyha başlatıldı: azat etilgen topraqlarnıñ sakinleri bir kerelik 1200 grnlıq para yardımını alacaqlar. Para er keske ödenecek – yaşqa ve yaşama qaydnamesine baqmadan.

Maqbul territorial cemaat bu sicilni yazıp onı vilâyet arbiy memuriyetke yollay. Cemaatnen beraber VAM yañartıla bilgen sicillerni teşkerip tasdıqlaylar. Ukrpoşta ödemeler yapa.

‘Qırmızı Haçnen beraber biz biz naqıt olaraq ilk ödemeler yapmağa başaldıq. Er bir insan qaytarmağa kereksiz yardımnıñ 1200 grivnasını alacaq. Bu leyha yerine ketirmek içün yarım milliard ayırıla bilir. İnsanlarnıñ eñ acele tarzda ödemelerni almaları içün er şey yapamız’, – dep vitse baş nazir haberdar etti.

İşğalden azat etilgen topraqlarnıñ meskün yerlerinde ödemelerniñ kelecek planı, sicillerniñ şekillenmesine ve bölgedeki telükesizlik vaziyetine köre yapılacaq.

Umumen bu yardımnı 200 biñ kişige ödemege planlaştıramız. Kerekli olsa, Halqara Qırmızı Haç Eyyeti ve Ukrainadaki Qırmızı Haç Teşkilâtınıñ diger ortaqları qoşma para bermege söz bereler.

Sualiñiz olsa ya da bir şey tafsilâtlıca ögrenmege isteseñizmi?

Reintegratsiya nazirliginiñ 24 saat işlegen buhran meseleleri sıcaq hattına 15-48 ya da DAK meseleleri vekiliniñ sıcaq hattına +38 (066) 813 62 39 hitap etiñiz.