Diana Maksımenkonıñ sadece 21 yaşı bar. Ömrü boyunca cenkten endi eki kere qaçınmağa mecbur edi. İlk kere – ana Avdiyivkadan, ekinci kere ise – Kıyivden. Bundan ğayrı, yañı biznes bir qaç kere başlattı.

Kiçik aynıñ 24-ünden soñ ailesinen Diana Vinnıtsâ vilâyetindeki Teplık şeerçigine köçti. Anda da yañı cesür ğayesin kerçekleştirmege qarar berdi – öz antiqavehanesini açmaq.

“Bir qaç afta evel men ögrendim ki, Avdiyivkadaki evim viran etildi. O yoqtır. Men uzun zamandır bunı añlamağa tırıştım, ve tek iş maña özüme kelmege yardım etti”, – dep iş qadını añlata.

“Milk & Honey” antiqavehanesinde tek qave içmek degil, em çalışmaq, em de dostlarnen masa oyunlarını oynamaq mümkün. Diana ayta ki, bu yer, menfiy tüşüncelerni unutmağa ve pozitiv duyğularnı almağa yardım ete.

Ğalebeden soñ Diana öz işini bütün Ukraina boyunca tartaqmağa istey ve barışıq ana Donetsk vilâyetini kösrmege ümüt ete.

Sizni memnüniyetnen alacaq qavehaneniñ adresi Vinnıtsâ vilâyeti, Teplık şşq., Nezalejnosti sq., 38.