Sentâbr ayınıñ 24-ünde sentâbr ayı içün pensiyağa para tamamınen ayırıldı. Ukraina Pensiya fondu, ‘Ukroşta’ AT ve vekâleytli banklar vastasınen pensiya ödemelerine 49,5 mlrd grn üleştirdi.

Bu cümleden, Donetsk, Zaporijjâ, Luhansk, Harkiv ve Herson vilâyetlerinde sentâbr ayı içün pensiya ödemelerine 13,3 mlrd grn üleştirildi. Vekâletli banklar 2,3 mln pensiyacınıñ esabına 100 %li pensiyanı yolladı. Daa 190 biñ pensiyacı ‘Oşçadbank’ ATde esap açtı. Olarğa pesiya ödendi, bu cümelden keçken aylar içün.

Afta boyunca Harkiv vilâyetiniñ işğalden azat etilgen topraqlarında Balakliya, İzüm ve Barvinkone şeerlerinde pensiyalar ödenecek. Em de şu köylerde: Çuhuyüv rayonınıñ Çkalovske, Kupyansk rayonınıñ Şevçenkove, rayon merkezindeki Velıkıy Burluq.

Bundan ğayrı, Harkiv vilâyetiniñ işğalden azat etilgen topraqlarında Ukraina Pensiya fonsunıñ Baş idaresiniñ hızmet merkezleri yañıdan çalışmağa başladı.

Hatırlatamız ki, Harkiv vilâyetiniñ işğalden azat etilgen topraqlarında PrıvatBank çalışmağa başlay, yaqın kelecekte işğalden azat etilgen topraqlarnıñ sakinleri Oşçadbanknıñ hızmetlerini ala bilirler.