Bugün Vitse baş nazir İrına Vereşçuknıñ başlığınen Ukrainanıñ vaqtınca işğal etilgen topraqlarınıñ reintegratsiya meseleleri nazirliginiñ taqımı işğalden azat etilgen Vısokopllâ, Zahradivka ve Koçubeyivka meskün yerlerinde çalışa.

Vatandaşlarnen körüşmeler, acele telüke ve başqa meselelerni al etüv, gumanitar yardım, azıq mahsulatı, gigiyena eşyaları. Şu anda bu topraqlarda yaşağan balalar içün de tatlılarnı ve qış urbasını ketirmege de unutmadı.

“Azat etilgen topraqlar – akimiyetniñ şartsız bir prioritetidir. Biz köremiz ki, duşmannıñ bozğanı adiy tınç yaşayışını yañıdan doğurtmaq ne qadar zor ola. Şimdi qış başlamadan evel insanlar evlerini nasıl qızdıracaqlarını raatsızlanalar. Herson vilâyetiniñ sakinlerini odun ve başqa yaqarlıqnen temin etmelimiz, poçta bölüklerini ve terminallarnı, naqıt para bericilerni yañıdan çalıştırmalımız. Mında Ukraina edi, bar ve olacaqtır. İç bir insan özüni taşlanğan duymaycaqtır!” – dep İrına Vereşçuk qayd etti.

İş ziyareti İşğalden azat etilgen topraqlar meseleleri koordinatsiya ştabınıñ çıqış oturışınen bitirildi. Anda Ükümet, yerli akimiyet ve cemaatlarnıñ azat etilgen vilâyetniñ sakinlerine dair ortaq operativ areketleri tsbit etildi.