burger

İrına Vereşçuk Avropa ülkelerini duşman ordusına mobilizatsiyadan qaçınmağa istegen qırımlılarnıñ çıqışına mania olmamağa çağırdı

Опубліковано 30 September 2022 року, о 14:57

Qırımda işğal akimiyet qırımtatarlarğa ve vaqtınca işğal etilgen yarımadanıñ başqa tamır halqlarına qarşı genotsidni devam ete. Bu kez ise – işğalcilniñ tarafında cenkleşmeleri içün qanunsız kütleviy mobilizatsiya şeklinde.

İnsanlar çoq ğayret köstererek bundan qaçınmağa tırışalar ve dost ülkelerine çıqalar. Faqat bazı vaqıtlarda sıñırlarnı keçmege izin berilmey – Ukraina vatandaşları qaytmağa mecbur qalalar. Vitse baş nazir İrına Vereşçuk öz telegram-kanalında bu aqqında haber berdi.

“Reinetgratsiya nazirligi haberler almağa başladı ki, bazı da leh, latviya, estoniya, litvaniya ve gürci sıñırcıları Qırımnıñ tamır halqınıñ temsilcilerine sıñırdan keçmege izin bermeyip ya Qırımğa ya da rusiyege qaytmağa mecbur eteler”, – dep memur qayd etti.

O, Lehistan, Latviya, Estoniya, Litvaniya ve Gürcistan Ükümetlerini mezkür meselege diqqat ayırmağa çağırdı.

“Bizim dostumız olğan ülkelerni Qırımnıñ tamır halqlaeınıñ temsilcileriniñ ukrain Qırımınıñ ve rfnıñ topraqlarından çıqmalarına yardım etmege rica etemiz. Şimdi halqara cemaatnıñ, Qırımnıñ tamır halqlarını destegi soñ derecede müimdir!” – dep irına Vereşçuk qayd etti.