“Ukrinform” haber agentliginde Habersiz ğayıp olğan kişiler meseleleri vekili Oleh Kotenkonıñ, faaliyetiniñ 100 künüge bağışlanğan bir matbuat konferentsiyası keçirildi.

Bu sene mayıs ayında Ükümetniñ qararınen Reintegrtasiya nazirliginde Vekilniñ vazifesi yartaıldı. Bu vaqıt boyunca Vekilniñ sıcaq hattına 30 biñden ziyade hitap yollandı. Aqrabalarğa 2,5 biñ öldürilgen qaraman qaytarmağa becerdik.

Keçenlerde taqımınen beraber Oleh Kotenko Harkiv ve Donetsk vilâyetşeriniñ işğalden azat etilgen topraqlarında bedenlerniñ qıdıruv ceryanına qatıldı. İzüm şeerinde askerler, grajdanlar ve balalar olmaq üzre 447 bedenniñ tapılğanı kütleviy defin yeri tapıldı.

Qayd etmek kerek ki, aqrabaları tarafından habersiz ğayıp olğan olaraq tanınğan kişilerniñ qısmı soñunda alâqa qura. Şu anda bu tür kişiler aralarında 1308 grajdan ve 965 asker.

Ukrainanıñ bütün bölgelerindeki qıdıruv işiniñ falleştirilmesi içün Vekilniñ Ofisiniñ Koordinatsiya merkezleri çalışmağa başladılar. Bugünden itibaren deyerli 10 merkez çalışa: Kıyiv, Dripropetrovsk, İlbav, Rivne, Mıkolayiv, Vinnıtsâ, Hmelnıtsk, Sumı, Odesa ve Zaporijjâ vilâyetlerinde. Er bir bölge vekilligi vatandaşlarımıznıñ qaytarılmasına öz izini qoya.

Hatırlatamız ki, bölge idarecilerinen (097) 433-46-22 ya da sıcaq hat 0 800 339 247 vastasınen bağlanmaq mümkün.

Raatlıq künleri beyanatlar Viber ve Telegram qullanımları vastasınen alına: (095) 896-04-21.

Tamam Vekilge de habersiz ğayıp olğan kişiler aqqında haber bermek mümkün: (099) 792-01-26.