Ükümet, kontranktlı şekilde oquğan studentlerniñ oqumaları içün Ukraina ilim ve tasil nazirligine tabi etilgen yüksek tasil müessiselerine para berüv yol-yoruğını tesbit etti.

Nazirler Kabinetiniñ bu tür qararı, cenk sebeinden ödemek imkânını coyğan studentlerniñ oquv parasını ödeycek. O, yüksek tasil müessiselerine borclarını tazminat etecek.

Devlet, yüksek tasil müessiselerine cenk (arbiy) areketler zonalarında ve vaqtınca işğal etilgen meskün yerlerde bulunğan studentlerniñ borclarını tazmin etecek.

Diqqat etiñiz ki, Tasil nazirliginiñ aşağıdaki şartlarğa uyğun tasil müessiselerine tazminat berecek:

1) 2022 senesi fevral ayınıñ 24-ünden evel tasil hızmtlerini berüv añlaşması imzalandı;

2) cenk vaziyeti şartlarında 2021/2022 senesiniñ ekinci semestrinde yüksek tasil müessisesiniñ bergeni tasil hızmetlerini ödemek imkânını coyğan sebebinden 2022 senesi iyün ayınıñ 30-ına qadar bu tür tasil müessisesi ögünde borc peyda oldı.

Bağlantığa basıp, arbiy (cenk) areketler rayonlarında yerleşken ya da vaqtınca işğal etilgen, qırşavlanğan (bloklanğan) territorial cemaatlarnıñ yañartılğan cedvelini ögrene bilirsiñiz.