Çoq vatandaşımız cenkten saqlanğanda devletniñ sıñırları tışında vesiqasız qaldı. Amma bu, olarnıñ Vatanına qaytuv aqqını sıñırlamaycaqtır. Devlet sıñır hızmeti hatırlata ki, qanunlarğa mücibi, Ukraina vatandaşınıñ iç bir sebepke köre Ukrainanıñ toprağına kirişmesine iç bir sıñırlama olmay.

Pasport coyulsa, vaqtı bitse, Ukrainağa qaytuv vaqtınca kişiligi vastasınen qaytmaq mümkün. Ukraina tış diplomatik müessiseleri onı bereler. Vesiqalaştıruv vaqtını çabikleştirmek içün Qazahistan, Türkiye, Gürcistan, Estoniya ve Latviya ülkelerindeki Ukraina konsullıqlarınıñ aqlarını kenişletmek imkânı baqılacaqtır.

Şu anda “Ukrainanıñ topraqlarında Ukrainağa qayruv kişiligini vesiqalatıruvğa dair deñev leyhasını yerine ketirüv aqqında” qarar azırlana. O esapqa ala ki, Devlet sıñır hızmeti bu tür vesiqalarnı azırlamaq içün qoşma vaqtınca aqlarını alır. Bu, vatandaşlarnıñ evlerine qaytmalarını çabikleştirmege imkân berir.

Hatırlatamız ki, №57 qararğa ve Sıñırnı keçüv yol-yoruğındaki deñişmelerge mücibi, 18 yaşından kiçik olğan Ukraina vatandaşları doğma malümatnamesinen devletimizge kire bilirler. Aynı zamanda Devlet sıñır hızmeti insannıñ bilgilerini bazağa özü kirsete. 18 yaşında büyük olğan ve vesiqalarını coyğan vatandaşlar doğma malümatnamesinen Ukrainağa kete bilirler. Kişilik identifikatsiyası Ukrainanıñ topraqlarında yapılacaqtır.