Bu, Ukraina vitse baş naziri İrına Vereşçuknıñ başlığınen Reintegratsiya nazirliginiñ qoşqanı kommunikatsiya kampaniyasınıñ adıdır. O bugün başlay. Onıñ teşebbüsçisi – Ukraina Baş prokurorınıñ Ofisidir.

Bu platformada bilgeniñiz rus arbiy cinayetleri aqqında haber bere bilirsiñiz. Ukrainada bulunmağanıñızğa baqmadan. Susmañız! Onıñ maqsadı – cinayetlerge ait olğan er kesni cevapkârlıqqa ketirmek ve adaletli tarzda cezalandırmaqtır.

#YourStoryYourWeapon leyhası, ukrain ve halqara makemeleri içün delillerni tapmağa yardım etecek.

Şaatlıqlarnı resmiy qayd etüv, maqbul halqara mehanizm çalışmağa başlaycaq vaqıt yapılğan zarar içün maliyeviy tazminat almağa aq bercek.

Arbiy cinayetniñ şaatı olğan er kes, şu anda bulunğanı ülkeniñ uquq qorçalayıcı organlarına hitap ete bilir.

Çet ülkelerde bulunğan ukrainalılarnıñ diqqatını celp etemiz! Şu anda bulunğanıñız ülke cedvege kirsetilmegen olsa, arbiy cinayetlerniñ delillerini aluv tek devlet habı vastasınen online olaraq haber beriñiz: warcrimes.gov.ua.

Unutmañız: arbiy cinayetler içün ukrain ve halqara makemelerinde vaqıtsız cinaiy mesüliyet esapqa alır.

“Biz telükesizligiñizni temin etecekmiz. Siznen olğan bir şey ya da körgeniñiz şey aqqında tek uquq qorçalayıcı organları ve makeme bilecektir. Lütfen, susmañız! Ğalebemizni yaqınlaştırmağa yardımcı oluñız. Duşman cevapkâr olacaq ve cezalandırılacaqtır!” – deo vitse baş nazir İrına Vereşçuk çağırdı.

Bu teşebbüsniñ ortaqları arasında Ukriana tış işler nazirligi, Yuqarı Şurasınıñ insan aqları vekiliniñ Ofisi, Estoniya, Latviya, Litvaniya, Lehistan, Romaniya ve Slovakiya – Orta taqiqat gruppasınıñ ülkeleriniñ prokurorlıq organlarıdır.