Cebege yaqın zonalarından ve keçenlerde işğalden azat etilgen topraqlardan tahliye etken eali, çoq bölgede qabul etile. Şu anda olar arasında Ternopil, Poltava, İlbav, Zakarpattâ ve Kirovohrad vilâyetleri, dep Ukraina vitse baş naziri İrına Vereşçuk canlı yayınlardan birinde añlattı.

“Bu ve başqa bölgelerde tahliye etken insanlarnı qabul etmege ve qış mevsimi vaqtı içün yerleştirmege azırlar, – dep memur qayd etti. – Biz bedava tahliye trenleri, yerleştirüv, azıq mahsulat, tibbiy yardım temin eremiz. Ve eñ müim şey – yetişkenler içün 2 biñ grivnalıq, balalar ve saqatlı kişiler içün 3 biñ grivnalıq başlanğıç para yardımını temin etemiz. İnsanlar tamam yolunda, trenlerde ya da ketkenleri demiryol vokzallarında para alalar. Bugün endi 75 mln grivna ödedik. Biz, söylegenimizni diñlegen ve öz ailelerini, balalarını, az mobil olğan insanlarnı telükege ogratmamaq maqsadınen qış mevsimi başlamadan evel telükesiz bölgelerge ketken vatandaşlarğa minnetdarmız!” – dep İrına Vereşçuk qayd etti.

Hatırlatamız ki, mahsus çat-bot, tahliye teşkil etmege yardım ete. Reintegratsiya nazirliginiñ 24 saat işlegen buhran meseleleri 15-48 sıcaq hattına hitap etmek mümkün. VİETdan telefon etmek içün WhatsApp/Telegram/Viber qullanımları vastasınen +38(096)078-84-33 nomerağa telefon etmek mümkün.