Cebege yaqın vilâyetlerniñ ealisine yıqıcı odun bedava olaraq ketirmege başladı. Reintegratsiya nazirligi, bu devlet yardımınıñ teşebbüsçisi edi. Birinciden odun Mıkolayiv vilâyetiniñ cemiyetleriniñ sakinleri evlerini isitmek içün alacaqlar. Nevbet arbiy areketlerniñ devam etkeni daa 7 vilâyettedir.
Ukrainanıñ çet ülkelerdekivatandaşları er bir mesleat müessisesinde pasportlarınıñ muddetini uzata ve olarğa balalarınıñ bilgilerini kirsete bilirler. Bu, bir kün içinde bedava olaraq yapmaq mümkün. TİN, DMH ve Reintegratsiya nazirliginiñ orta teşebbüsinen keçenlerde Ükümet maqbul qararnı tasdıqladı.
Devlet, VİETdan ya da arbiy areketlerden DAK içün imtiyazlı ipoteka kreditini aluv şartlarını sadeleştirdi. Şu cümleden, kreditleştirüv azamiy muddetini 20 seneden 30 senege ve ipotekanı alğan kişilerniñ yaşını keniişletti. Öz başına yaşağan kişi içün meskenniñ normativ meydanı da eki qat çoqlaştırdı: 52,5 kv. m (keçenlerde – 21 kv. m). Bundan ğayrı kredit alıcı, cenk sebebinden ipoteka meskeni bozulsa ya da viran etilse, kredit tatillerini aluv aqqını aldı. Reintegratsiya nazirligi, bu yañılıqnıñ teşebbüsçisidir.
İdarelerarası eyyet, duşman esirliginden qaytqan mudafaacılarımızğa bir kereklik 100 biñ grn ödemege qararlarnıñ rekordsayısını tasdıqladı. Ve alâ daa esirlikte bulunğanlarnıñ ailelerine. 465 ukrainalı bu tür yardım alacaq. Maqbul eyyet çalışqanı vaqıt boyunca aynı zamanda alınğan müsbet qararlarnıñ inanlımaz sayısıdır.
Ükümet, DAKge azıq mahsulatınen bedava yardımnı bermege idare etti. Bugünden para yardımına aqqına saip olğan köçip kelgenler azıq mahsulatını da ala bilirler. Bundan ğayrı arbiy vilâyet memuriyetleri, unğa ya da ububat yerine pişirilecek ekmekni ealige bere bilir. Ekmek yapmaq içün AVMi unğa ya da ububatqa saip olğan, amma para yeterli olmağan azat etilgen topraqlar içün soñ derecede müimdir.
