burger

“Bizim küçümiz yardımınen biz er şey yapa bilirmiz”, – Olena Zinöva, Herson şeeri

Опубліковано 20 November 2022 року, о 14:50

20 sene evel Herson şeerinde Olena Zinöva öz ilk ediyeler tükânını açtı. 2000 seneleriniñ başlanğıcında ukrain mevzulı hatıralıqlar alına bilgeni şeerde ilk tükân oldı; qorçalayıcılar, nağışlanğan elbezler ve vışıvankalar, savut ve tahtada petrıkiv örnekleri. Bütün mahsullar o qadar avtentik ediler ki, ilk sınıflarnıñ ocaları bu tükânlarda halqsınaslıq derslerini alıp bermege başldılar.

Duşman Hersonnı zapt etkende Olena tükânnıñ raflarından ukrain timsallerinen bütün mahsullarnı çıqardı ve üç ay işğalde bulundı. İş qadın şeerden çıqqanda mahsullarnıñ kiçik qısmını yanına aldı – çoqusınen çantada urbası astında gizlegeni nağışlanğan kölmekler.

“Biz 33 rus blok noqtalarını keçtik, bir bahtlı oldıq – bizim eşyalarımıznı iç kimse baqmadı. Pek qora edim, amma öz vışınaka-qorçalayıcılarımnı anda qaldıramadım. Belki olar yardımınen biz çıqtıq”, – dep Olena hatırlay.

Tamam alğanı bu kölmeklernen iş qadını, Krıvıy Rih şeerinde kiçik bir tükân açtı. Anda da ana şeeriniñ azat etilmesini bekledi.

Şimdi Olena evindedir. Hersondaki tükânı zarar kördi, amma qadın ellerini haçlamadı ve çalışmağa devam ete. O emindir – ukrainn timsalleri ebediy, başqa er şey ise yañıdan yaratmaq mümkün.