Ağır saqatlıq formalarınen ukrain balalarını destek ve qorçalama meselelerine bağışlanğan tögerek masa vaqtında Ukraina vitse baş naziri İrına Vereşçuk bu aqqında qayd etti.

O haber berdi ki, rus tolu miqyaslı tecavuzınıñ başlanğıcından berli Ukrainadan eki yüzden ziyade bala vasiylik müessisesi tahliye etildi. Laf, saqatlı balalar ve ana-baba vasiyliginden marum etilgen balalar v.b. aqqındadır. Şu anda 174 bu tür müessise tahliye etilip, ecnebiy üklelerde buluna.

“Cebege yaqın topraqlardan mahsus ihtiyaclarnen balalarnıñ tahliyesi – bizim esas yönelişlerimizden biridir. Ve bu ceryanda rus tecavuzınıñ ilk künlerinden bizni destek etken ABniñ ülkeleri bizge çoq yardım ettiler” – dep İrına Vereşçuk qayd etti.

“Ağır saqatlıq formalarınen balalarğa baquv ceryanından avropa ve dünya destegi soñ derecede aktual qala. Ayrıca rusiye tarafından energetik cenk şartlarında. Bizim dostalarımızğa, kerekli olsa, cenk vaqtı boyunca mahsus bala müessiseleriniñ daa muayyen sayısını öz ülekelerinde yerleştirmege azır olacaqlarına ümüt etemiz”, – dep vitse baş nazir hulâsa çıqardı.