Reintegratsiya nazirligi, Levko Lukyanenko adına devlet stipendiyasını ödemege devam ete. Noyabr ayında 18 ukrainalı bu tür ödemelerni aldı. Qanunsız esirlikten azat etilgen on dürt kişi de mezkür stidentiya aldı. Bu stipendiyanı alğan dört epis etilgen kişi, rusiye federatsiyası ya da VİETdaki işğal akimiyeti tarafından alâ daa tutula. Olarnıñ yerinde yaqınları ödemelerni aldılar.

Mahsus vaziyetlerde habersiz ğayıp olğan kişiler meseleleri vekiliniñ ofisiniñ qıdıruv gruppaları, mezar mümkün olğan yerlerni teşkermege devam eteler. Mıkolayiv ve Herson vilâyetleriniñ işğalden azat etilgen topraqlarında 50 mezar mümkün olğan yer teşkerildi.

Reintegratsiya nazirligi, esirlikten azat etilgen ukrainalılarnıñ esas ihtiyaclarını qanaatlendirecek – keçenlerde Ükümet bu tür qanun berdi. Vesiqağa mücibi, Reintegratsiya nazirligi, halqara gumanitar uquqnıñ qaidelerinde esapqa alınğan tedbirlerni keçirmege vazifeli tayinlendi.

Ükümetniñ temin etkeni bedava tahliye çerçivesinde bu afta Herson şeerinden ilk tren ketti. O Hmelnıtskıyğa ketti. İlk yüzlerce yolcular aralarında çoq bala, yatqan hasta ve az mobil olğan kişi bar edi. Kelgen soñ tahliye etilgen kişiler devlet keş yardımını (yetişkenlerge 2 biñ grn, balalar ve saqatlı kişilerge 3 biñ grn) aldılar. Bundan ğayrı, insanlarğa DAK şeadetnamelerini vesiqalaştırmağa yardım ettiler. Er keske bedava olaraq mesken berilecektir.

Reintegratsiya nazirligi, esirlikten bulunğanlarğa daa 46,2 mln grivna ödedi. Şu cümleden, esirlikten azat etilgen ve evlerine qaytqan ukrainalılarğa 41,3 mln grivna ödedi. Bundan ğayrı, rf tarafından qanunsız olaraq epis etilgen ukrain vatandaşlarınıñ ailelerine 4,9 mln grivna yolladı.

Vitse baş nazir İrına Vereşçuknıñ başlığınen Reintegratsiya nazirliginiñ taqımı Çerkası vilâyetini ziyaret etti. Tolu miqyaslı tecavuznıñ başlanğıcından berli Çerkası şeeri, 30 biñden ziyade devlet içinde alınğan kişi içün bir mesken oldı. Vilâyette resmiy olaraq qayd etilgen köçip kelgenlerniñ umumiy sayısı 105 biñ kişidir. Ükümetçiler, olarnıñ yaşağanları kompktlı yerlerni teşkerip köçip kelgenlernen iş ceryanında esas yollarını tesbit ettiler. Vilâyetniñ reberliginen, topraq cemiyetleriniñ ve halqara gumanitar teşkilâtlarnıñ vekillerinen operativ oturışlar da keçirildi.