Alâqa. Herson şeerinde daa 8 mobil alâqa esas stantsiyası yañıdan çalışmağa başladı. Daa bir Herson rayonınıñ Tavriyske köyünde çalışmağa başladı. Umumen vilâyette operatorlar 78 esas ve 3 taşınğan mobil alâqa stantsiyasını yañıdan çalıştırdılar.

Energetika. Berıslav rayonınıñ Trıfonivka ve Dovhove köylerinde energiya teminatı yañıdan quruldı. Şu anda Vısokopillâ, Velıka Oleksandrivka ve Dovhe meskün yerlerine elektrik teminatı yañıdan qurula.

Gaz teminatı. Merkezleştirilgen gaz teminatına saip olğan 86 meskün yerden 50ge gaz teminatı yañıdan quruldı. Velıka Oleksandrivka, Mala Oleksandrivka, Novodmıtrivka ve Vısokopillâ meskün yerlerine gaz teminatı yañıdan qurula.

Yollar. Şu anda Herson vilâyetinde devlet manalı yollarnıñ 163 kilometri ve yerli manalı yollarnıñ 260 kilometri temiz etildi.

Banklar. Bank saası faal olaraq işini yañıdan yarata. Böylece, keçenlerde Herson şeerinde “MTB Bank” müşterilerni almağa başladı. Herson şeerinde Oleksandrivska sq., 1 adresindeki bölük yañıdan çalışa. O yerde bütün bank hızmetlerini almaq mümkün, bankomat ve kassa çalışa.

Devlet PrıvatBank ta müşterilerni ala. Şu anda Herson şeerinde onıñ dört bölügi qapısını açtı: Suvorov sq., 34; Potçmkinska sq., 20; Hersonnıñ 200. seneligi caddesi, 32 ve Aziz Kırıl ve Mefodiy caddesi, 10 adreslerinde.

Bundan ğayrı vilâyet merkezinde Oşçadbanknıñ üç bölügi yañıdan çalışmağa başladı:  Suvorov sq., 26; Hersonnıñ 200. seneligi caddesi, 16 ve Çornomorska sq., 29a adreslerinde.

Umumen işğalden azat etilgen Herson vilayetinde devlet bankınıñ endi dört bölügi müşterilerni ala – noyabr ayında Torhovıy sq., 3 adresinde Novovorontsovka şşqda bir bölük yañıdan çalışmağa başladı.