Bugün Almaniya elçisi Anka Feldhuzennen beraber Ukraina vitse baş naziri İrına Vereşçuk “Ohmadıt” milliy bala hastahanesini ziyaret etti. Alman tarafı, neyroameliy operatsiya odası içün, tibbiy müessisege yañı zemaneviy aletler ve techizatlarnı berdi. Almaniya Federal ükümeti, neyronavigatsiyalı aletlerni almaq içün 750 biñ yevro ayırdı.

Anda bulunğanlarğa muracaat eterek İrına Vereşçuk şunlarnı qayd etti: şimdiki leyha – Ukrainanıñ vaqtınca işğal etilgen topraqlarınıñ reintegratsiya meseleleri nazirliginiñ Almaniya Ükümetinen çoq taraflı işdeşliginiñ neticesidir.

Cenk sebebinden yaralanğan yüzlerce ukrain balası, Bu tür zemaneviy aletler vastasınen sağlığını çabik tüzetmege ve Ukrainada, evinde qalmağa imkân alacaq.

Hatırlatamız ki, yuvenian prokurorlarnıñ tek resmiy bilgilerine köre, bugün rfnıñ tolu miqyaslı tecavuzı neticesinde deyerli 1300 ukrain balası zarar kördi. Olardan 850den ziyade balası – yaralandı.

“Almaniya, o qadar zor vaqıtlar boyunca Ukrainanen omuz-omzuna tura. Alman ükümetiniñ ve ayrıca ürmetli elçisiniñ destegini muntazam tarzda duyamız. Bugün biz gumanitar cebede cenkleşemiz. Ve çoqusı alda bizim halqara ortaqlarımıznıñ yardımınen. Bizim içün bu cenkte bizim tek başımızğa olmağanımıznı añlamaq müimdir”, – dep memur qayd etti.

O hatırlattı ki, alman ekimleri ukrain zenaatdaşlarınen yaralarnı ve ağır yanıqlarnı tedaviylev zemaneviy tecribesinen paylaşalar. Almaniya cenkniñ qurbanlarını, ayrıca ukrain balalarını, qurtarmağa yardımcı ola.

İrına Vereşçuk Almaniya Federal ükümetine, Ukrainadaki Almaniya elçisi Anka Feldhuzenge cenk sebebinden zarar körgen ukrainalılarğa çoq taraflı yardım etmeleri ve bu ceryand iştirak etmeleri içün açıq göñlünden minnetdarlığını bildirdi. Ve hatırlattı ki, kelecek planlarda – Ukrainanıñ başqa bölgelerindeki tibbiy müessiselerni aletlernen temin etüv ceryanı bar. Ve devlet içinde alınğan kişilerge yardım etüv orta leyhası.