Lehistannıñ devlet memurlarınen körüşüv vaqtında Ukraina vitse baş naziri İrına Vereşçuk vaziyetni böylece tefsir etti.

“Cebede duşman, ukrain ordusı üstünde ğalebe qazanıp olmay. O, öz strategiyasını deñiştirdi ve grajdan ealini terror ete. Bunıñ içün bugün biz energetika cebesini açmalımız. Muntazam ateşler, raketa ücümleri… Episi – tek cebege yaqın topraqlarnıñ yaşağanları kerçeklikler degil, em de cebeden uzaqta bulunğan insanlarnıñ kerçiklikleridir. Amma biz avropa ülkeleriniñ barışıq ve parlaq kelecegi ve demokratik qıymetler içün cenkleşmege devam etemiz”, – dep memur ayttı.

O inandırdı ki, er kün ukrainalılar, dayanmaq ve ğalebe qazanmaq içün inanılmaz ğayretler köstereler. Aynı zamanda keh ükümetine, devletimini muntazam tarzda destek etmesi içün teşekkür bildirdi ve orta ğalebe içün daa çoq birleşmege çağırdı.

“Bizim mümkün olğan çoq ticaret-iqtisadiy añlaşmamız olmalı. Kelecekte bu işdeşlik, böylede ğalebe qazanmağa tıtışacaq duşmannıñ tecavuzını yoq etmege imkân yaratacaq. Elbette birlikte olsaq, ğalebe qazanırmız”, – dep vitse baş nazir hulâsa çıqardı.