Bu sene dekabr ayında Ükümet, arbiy (cenk) areketler rayonlarında yerleşken ya da vaqtınca işğal etilgen, qırşavlanğan (bloklanğan) territorial cemaatlar tek cedvelini şekillendirüv usulını tayinlegen № 1364 qarar berdi.

Mezkür cedvel, maqbul vilâyet, Kıyv şeer arbiy memuriyetleriniñ teklifleri esasında, Mudafaa nazirliginiñ tasdılamasınen ve Reintegratsiya nazirliginiñ emrine köre şekillendirilir.

2022 senesi dekabr ayınıñ 22-sindeki Reintegratsiya nazirliginiñ № 309 emrinen tasdıqlanğan territorial cemaatlarnıñ yañı cedveli tasdıqlandı. Onıñ temelinde de devlet içinde alınğan kişilerge (DAK) ödemeler yapılır.

Cedvelde qayd etilgen topraqlar şunlarına bölüneler: rusiye federatsiyasınıñ işğal etkeni topraqlar, devam etken (bitken) arbiy areketler topraqları. Aynı zamanda devam etken (bitken) arbiy areketler topraqları şunlarına bölüneler: mümkün olğan arbiy areketler ve aktiv arbiy areketler topraqları.

Bundan ğayrı, cedvelge 2022 senesi fevarl ayınıñ 24-ünden soñ vaqtınca işğal etilgen ve devamlı arbiy areketler topraqları ve ya bitken arbiy areketler ya da işğalden azat etilgen topraqlar retrospektiv tarzda kirsetildi.

Böylece, yañı cedvelge Dnipropetrovsk, Donetsk, Jıtomır, Zaporijjâ, Kıyiv, Luhansk, Mıkolayiv, Odesa, Sumı, Harkiv, Herson, Çernihiv vilâyetleriniñ topraqları ve Kıyiv şeeri kirsetildi.

Bundan ğayrı, haberdar etemiz ki, cedvelge kirsetilgen aşağıdaki topraqlardan köçken kişiler ödemeler ala bilirler:

1) mümkün olğan arbiy areketler;

2) faal arbiy areketler;

3) rusiye federatsiyasınıñ işğal etkeni ve arbiy areketlerni bitirüv tarihı (mümkün olğan arbiy areketlerni bitirüv tarihı) belli olmağan topraqlar; rusiye federatsiyasınıñ vaqtınca işğal etkeni ve faal arbiy areletlernen ya da rusiye federatsiyasınıñ vaqtınca işğal etkeni topraqlar.

Böylece, mezkür vilâyetlerniñ birinde qayd olsañız, cedvelde cemaatıñız olmasa, siziñ arbiy memuriyetiñizge hitap etmege tavsiye etemiz (şahsen ya da “sıcaq hat” vastasınen) ve malümatnı soraya bilirsiñiz.

Diqqatıñıznı celp etemiz ki, şu cümleden, devlet içinde alınğan kişilerge ödemeler yapmaq, devlet mülkiyetini şahsiyleştirmek, oquv yurtlarına sadeleştirilgen kirmek, halq ögündeki elektron sicillerge irişim bermek içün tasdıqlanğan cedvel qullanılacaq.