Bugün cebege yaqın olğan topraq cemiyetlerinde 331 sicil endi bloksızlandı. İrişmni yañıdan yaratuv lideri – Harkiv vilâyeti, şimdi anda endi 159 bloksızlandı.

Reintegratsiya nazirliginiñ rfnıñ Ukrainağa qarşı arbiy tecavuzınıñ neticelerini yoq etüv şimdiki vaziyetine dair netice oturışında böyle malümat bildirildi.

Diqqatıñıznı celp etemiz ki, bu afta Ükümetniñ Arbiy (cenk) areketler rayonlarında yerleşken ya da vaqtınca işğal etilgen, qırşavlanğan (bloklanğan) territorial cemaatlar tek cedvelini şekillendirüv usulını tayinlegen № 1364 qararı tasdıqlandı. Mezkür Cedvel, halq ögündeki elektron sicillerge irişim yañıdan almaq içün qullanılacaq.

Buna köre, yaqın kelecekte sicillerge irişim daa faal olaraq bloksızlanacaq.

“Vilâyet arbiy memuriyetlerinen beraber Adliye nazirligi, Bölgeler nazirligi, DMH, Devlet geokadastrı, cemiyetlerni sicillerge irişim yañıdan yaratuv meselesini işlemege devam eteler. Sicillerniñ saipleri ve VAMne, bu meseleni al etüc ceryanında semereli işdeşligi içün teşekkür bildirem. Sicillerni bloksızlaştırmaq – işğalden azat etilgen topraqlarda akimiyetni yañıdan yaratuv müim qısmıdır”, – dep Ukrainanıñ vaqtınca işğal etilgen topraqlarınıñ reintegratsiya meseleleri naziriniñ muavini Pavlo Kozırev hulâsa çıqardı