İmzalanğan memorandum çerçivesinde esas yönelişlerden biri, ealige patlayıcı şeyler aqqında malümat bermek, mina telükesizliginen bağlı orta kampaniyalarnı keçrimek, ukrainalılarnı saqlanma ve çatışmalar vaqtında azırlanma qaidelerini ögretmek olacaq.

Bundan ğayrı, taraflar patlayıcı şeylernen kirlengen ya da imkânı olğan kirlengen topraqlarnı tehniksiz teşkerüv ve olarnı maqbul tarzda işaretleştirüv saasında işdeşlik yapmağa añlaştılar.

Bundan ğayrı, körüşüvniñ neticesinde ortaqlar, Reintegratsiya nazirliginiñ patlayıcı şeylerni qıdıruv taqımlarını tehnikiy abadanlaştıruv ve azırlanuv leyhasında öz meraqlarıını bildirdiler.

Qayd etemiz ki, Noveg halq yardımı (NPA) – 1939 senesi teşkil etilgen ve şu anda Norvegiyada ve dünyanıñ eñ az 30 ülkesinde faaliyet etken halqara ükümetsiz bir teşkilâttır. 1992 senesinden berli mezkür teşkilât, minağa qarşı faaliyeti programmasını kireterek, çatışmalardan evel, vaqtında ve soñ grajdan ealini saqlanuv saasında çalışa. NPA çalışqan vaqıt bütün dünyada patlamağan deyerli 2 mln mina ve patlayıcı şey telükesiz bir alğa ketirildi.