Rus işğalcileri, tek silâ vastasınen Ukrainanı yoq etmege ıntılmaylar, olar vaqtınca işğal etilgen topraqlarda maqsatkâr tarzda keniş miqtaslı ekologik cenk yaratalar.

Luhansk ve Donetsk vilâyetleriniñ toksik suvlarnen ğarq olunğan onlarca ocağı. Arbiy bazalarnen yoq etilgen ve biñlerce çöplük obasınen kirlengen Qırımnıñ yekâne tabiatı. Şimdi ise tecavuzcılarnıñ qurutmağa tırışqanları Kahovka suv anbarı.

Bu, Zporijjâ ve Herson vilâyetleriniñ etraftaki müiti, suv temimatı ve köy hocalığı içün büyük telükedir. Em de suvutma sistemasız qala bilgen Avropada eñ büyük Zaporijjâ atom elelktrik stantsiyası. Bu, bütün dünya içün özek felâketi telükesidir.

“Belki işğalciler, zapt etkenleri topraqlarnı tutamaycaqlarını añlamağa başladılar. Bunıñ içün özlerinden soñ ayat içün uyğun olmağan, yaqqan topraq qaldırmağa ıntılalar. Olar becermeycekler. Er şey pek tek ola bilir. Hersonnı işğalden azat etüvin hatırlaysıñızmı?”, – Telgrem kanalında Ukraina vitse baş naziri İrına Vereşçuk yazdı. 

Ukraina, yaralarını tedaviyletecek. Bizim azat etilecek şeerler ve qasabalar kibi tabiatımız yañıdan doğacaq. Tecavuzcılar ise ukrain topraqlarında ekologik cinayetleri içün mesüliyet çekecekler.