burger

Devlet içinde alınuvğa dair strategiyanıñ leyhası, devletten yañı destek aletlerinden ibaret ola

Опубліковано 16 February 2023 року, о 20:50

Bugün vitse baş nazir İrına Vereşçuknıñ ve içtimaiy teşkilâtlarnıñ vekilleriniñ iştirakinen 2025 senesine qadar Devlet içinde alınuvğa dair devlet siyaseti strategiyasınıñ leyhası taqdim etildi.

Vesiqa, Avropa Şurasınıñ “Ukrainada devlet içinde alınuv: devamlı qararlarnı azırlav. II. basamaq” leyhasınıñ mütehassıs desteginen ReNazirligi tarafından azırlandı. Bundan ğayrı, rusiyeniñ silâlı tecavuzından zarar körgen kişilerniñ aqlarını qorçalamağa çalışqan içtimaiy ve halqara teşkilâtlar onıñ azırlanmasına qatıldılar.

“rfnıñ tolu miqyaslı tecavuzı, Ekinci cian cenkinden soñ Avropada eñ kütleviy köçüvniñ sebebi oldı. 2022 senesi kiçik ayında Ukrainada deyerli 1,5 mln köçken kişi bar, 2023 senesi qara qış ayında ise endi 4,8 mln kişi DAK olaraq qayd etildi. Bu, devletimizniñ pek büyük qısmıdır. Devlet içinde alınuv ceryanınıñ o qadar büyük miqdarı ve devamına köre, yañı meselelerni esapqa alıp, Devlet siyaseti strategiyasını yañartmaq kerekligi peyda oldı”, – dep taqdim başlanğıcında vitse baş nazir qayd etti.

İştirakçiler razı oldılar ki, er bir basamaqta – tahliye etmege qarar berir-bermezden başlap muntazam yaşayış yerine göñülli qatuvğa qadar – devlet destegi berilmeli.

Bunıñ içün Ükümet, 5 strategik maqsatqa diqqat etmeli:

  1. Devşetniñ, devlet içinde alınuv meselelerine qarşılıq köstere bilmesini pekitüv.
  2. Telükeli rayonlardan vatandaşlarnı tahliye etmege ve olarnıñ gumanitar ihtiyaclarını qanaatlendirmege temin etüv.
  3. DAKniñ yañı yaşağanı yerde adaptatsiya etmege yardım etüv.
  4. DAKniñ yañı cemmatqa integratsiyasına yardım etüv.
  5. Taşlanğan yaşayış yerine telükesiz qaytmağa ve reintegratsiyağa destek etüv. 

“Er bir esas maqsat Strategiyada tafsilâtlıca añlatıldı. Avropada pek semereli ve faydalı olğan tecribe esapqa alıp, bu miqdarlı vesiqaazırlandı. Leyhanıñ azırlanmasına qatılğan içtimaiy sektörge ve Ukrainanı pek destek etmesi içün Avropa Şurasına teşekkür bildirem. Cemaatnı muzakerege qatılmağa çağıram, biz teklifleriñizni bekleymiz ve işdeşlikke açıqmız. Er bir teklf baqılacaq soñ yaqın kelecekte leyha, Ükümetniñ tasdıqlamasına yollanacaq”, – dep İrına Vereşçuk hulâsa çıqardı.

Hatırlatamız ki, 2023 senesi kiçik aynıñ 24-üne qadar Strategiyanıñ leyhasına yazılğan tekliflerni [email protected] elektron poçtasına yollamaq mümkün.