“Rada” telekanalınıñ canlı yayınında Ukraina vitse baş naziri İrına Vereşçuk bu aqqında haber berdi. Onıñ sözlerine köre, işğalden azat etilecek Qırımnı Ukrainanıñ siyasiy, uquqiy, içtimaiy-iqtisadiy ve medeniy saalarına qaytaruv ceryanı, Harkiv ve Herson vilâyetleriniñ tecribesinden farqlı olacaq.

Birinciden bu, işğalniñ müddetinen bağlıdır. 9 senedir Qırımda ukrain qanunları işlemey edi. Bu vaqıt devamında işğalciler, ukraim mülkiniñ qısmını milliyleştirdiler. Belli ki, işğalden soñ yarımadadan çıqqan Qırımnıñ bazı sakinleri, rus qanunlarına mücibi mülkini ğayıp ettiler. Rus inventarizatsiyasından soñ tecavuzcı bir devletniñ mülk sicillerinde qayd etilgen mülkni miras olaraq alamağan kişiler de bar. 

“Uquqçılar, icra akimiyet organlarınıñ ve cemaatnıñ vekillerinden ibaret olğan iş gruppasında biz bu ve çoq başqa mesele muzakere etemiz. Olarnı al etmek içün bizde uquqçılar-halqara uquqşınasçılarnıñ büyük destegi bar. Birinciden eki kategoriyağa bölünemiz – devlet ve şahsiy mülkü. Devlet mülkü, devletke ve yerli öz idare orgnalarına qaytarılacaq. Şahsiy mülk meselesi ise muzakere etilmeli. Çünki 9 sene devamında Qırımda sahte makeme akimiyeti, 1,2 mln qararnı oña dair berdi. Bu olarnen de bir şey yapmaq kerekmiz”, – dep İrına Vereşçuk hulâsa çıqardı.