Devlet organları, müessiseleri, öz salâhiyetleri çerçivesinde tecavuzcı bir devletniñ esirligine oğraşqan grajdan ukrainalılarnı qayd etken içtimaiy ve halqara teşkilâtlarnıñ bilgileri esasında mezkür cedveller şekillenirler.

Ukrainada ReNazirliginiñ uzurında Milliy malümat bürosı, rfnıñ grajdan reneleri cedvelini tizer.

Bugün Ukrainada MMbnıñ sicilinde 963 grajdan reine qayd etildi. Amma belli ki, bu tür insanlarnıñ – 2022 senesi kiçik aynıñ 24-ünden evel esirlikke oğraşqan ve rus tolu miqyaslı tecavuzınıñ başlanğıcınen reinte olğan kişilerniñ – sayısı daa büyüktir. 

Esirlikte grajdan reinelerni tutmaq, halqara gumanitar uquqqa qarşıdır. Çünki askerler kibi grajdan kişilerni esirlikte tutmaq ve deñiştirmek olmaz. Amma işğalciler, cenkniñ qanunlarını ve Jenevre şartnamesiniñ qaidelerini riayet etmeyler.

Er vaqıt Ukraina, grajdan vatandaşlarını azat etmek içün, zor aytışmalar kerçirmege mecbur ola. O bazı da arbiy esirlerniñ deñişmesinen aynı zamanda ola.

Ukraina Mudafaa nazirliginiñ İstihbarat baş idaresi, arbiy esirlerge dair aytışma ceryanını kerçirir. Grajdan kişilerge dair ise – İnsan aqları meseleleri vekiliniñ Ofisi.

ReNazirliginiñ teşebbüs etkeni grajdan reineler cedveliniñ auditi, rus esirliginde ukrain reneleriniñ sayısını ve olarnen bağlı başqa malümat ögrenmege yönelgendir.

“9 senelik cenk vaqtında tecavuzcı bir devletniñ qanunsız olaraq tutqanı bütün Ukraina vatandaşlarınıñ tolu, keyfiyetli ve mensüp sicilini tizmek içün bu teşkerüvni başlaymız”, – dep Milliy malümat bürosınıñ reberi Oleksandr Smırnov tefsir etti.