Tek haber telemarafonınıñ canlı yayınında Ukraina vitse baş naziri İrına Vereşçuk bunı bildirdi. O tafsilâtlıca añlattı ki, şimdi anda 4 biñden az kişi qala, olardan tahminen 38-i baladır.

Memurnıñ sözlerine köre, şeerde evlerniñ çoqusı viran etildi ve bozuldı, içtimaiy astyapı işlemey. İnsanlarnı qurtarmaq içün çıqmağa yardımcı olğan mahsus tahliye gruppaları ve zırhlı naqliyat çalışalar. Amma sıq sıq sakinler sığınaqlarda gizlenep, bulunğanlları yer aqqında bilgiler bermeyler. Olarğa ketmek zor. Er şey tahliyeni zorlaştıra.

“Bu sakinler, ayrıca yetişkenerge tamamınen bağlı olğan balalar imayesizlerdir. Çoq kün ve gece boyunca olar haberler boşluğında ve soñ derecede stresli vaziyette bulunalar. Bunıñ içün öz ve balalarınıñ ayatlarına telükeni añlı tarzda qıymetlendiremeyler. Bizim borcumız – olarğa ketip, telükenı añlatmaq ve tahliye etmektir”, – dep İrına Vereşçuk hulâsa çıqardı.

Hatırlatamız ki, balalarnı mecburen tarzda tahliye etüvge dair Nazirler Kabinetiniñ tünevinki qararı, bu missiyanıñ muvafaqiyetli al etüvine yardım etmeli.