Keçenlerde Ukraina Nazirler Kabineti, 2023-2025 seneleri içün Qabarcılıqqa qarşı strategiyanı yerine ketirici esas alet olğan Devlet qabarcılıqqa qarşı programmasını tasdıqladı.
ReNazirliginiñ qabarcılıqqa qarşı siyasetiniñ esas vazifeleri arasında halqara standartlarğa ve avropa ameliyatına uyğun tedbirlerni kirsetmektir.
ReNazirligi 2023-2025 seneleri içün qabarcılıqqa qarşı faaliyetniñ aşağıdaki prioritetli yönelişlerini tesbit etti:
- Telükelerni nezaret etüv ve qıymetlendirüv. ReNazirliginiñ uzurında çalışqan Qabarcılıq telükelerini qıymetlendirüv iş gruppasınıñ rolüni pekitmek. İş gruppasınıñ esas vazifesi – qabarcılıq telükelerini evelden yoq etmek maqsadınen olarnıñ sebepleri ve şartlarını nezaret etmektir.
- Açıqlıq ve şeffaflıq. ReNazirliginiñ faaliyetinde qabarcılıq telükelerini qıymetlendirüv ceryanında cemaat ve mütehassıslarnı faal celp etüv.
- Añlı oluv. Seminarlar ve treningler şeklinde qabarcılıqqa qarşı oquv tedbirlerini keçirmek. Qabarcılıqqa qarşı qanunlar saasında bilgi seviyesini artmaq, uquqiy añlavnı şekillendirmek ve qabarcılıqqa dayanılmaz duyğusını yaratmaq.
Ayrıca cenk vaziyeti vaqtında qabarcılıqqa sıfırlı tolerantlıq ve daa yahşı qabarcılıqqa qarşı ameliyatlarnı kirsetmek. Çünki bücet parasını semereli ve maqul qullanuv – gumanitar cebede cenkleşüvniñ eñ müim qısımlarından biridir.