burger

Vitse baş nazir İrına Vereşçuk Buçadaki ruhiy-içtimaiy yardım merkezini ziyaret etti

Опубліковано 15 March 2023 року, о 16:19

Bugün vitse baş nazir İrına Vereşçuk Buçağa iş ziyaretinen ketti. Kıyiv vilâyetiniñ dünyanıñ er bir yerinde belli olğan bu şeeri, ukrain halqınıñ qarşılıq ve dayanıqlıq timsali oldı.

Onıñ sakinleri cenk deşetlerinden yaşamağa mecbur oldılar, ve tolu qıymetli ayatqa qaytmaq içün olarnıñ ruhiy reabilitatsiyağa ihtiyacı bar. 2022 senesi bozarğan ayda – Buça azat etilgen 2 ay soñ – mında Ruhiy yardım merkezi açıldı. 

Şu anda Prezidentniñ apayı Olena Zelenskanıñ patronatınen Umumiy ukrain ruhiy sağlıq programması çerçivesinde mezkür müessise çalışa.

Bugün Merkez, esirlikten azat etilgen kişilerge ve aqrabalarına, em de işğalden yaşağan kişilerge yardım etken 13 mütehassıs-ruhiyatçıdan ibaret olğan taqımdır.

“Tamam ukrain mütehassıslarınıñ Buça ruhiy yardım merkezini teşikl etmeleri müimdir. Bu tür merkezni teşkil etmege teşebbüs etken göñülli-ruhiyetçılarğa, ve onı destek etmeleri içün Buça şeer şurasına ve halqara donorlarğa teşekkür bildirem. Bu, işğalden azat etilgen başqa cemaatlarda ruhiy serbvislerniñ inkişafını başlatacaq ilk ukrain deñev leyhasıdır”, – dep İrına Vereşçuk qayd etti.