Tamam 5 ay evel, 2022 senesi ekim ayınıñ 18-inde Ükümetniñ qararınen Ukraina vatandaşlarınıñ vaqtınca işğal etilgen topraqlardan Ukrainağa üçünci ülkelerniñ topraqları vastasınen çıqış teminatı meseleleri idare ştabı teşkil etildi. Vitse baş nazir İrına Vereşçuk onıñ başıdır.

İdare ştabınıñ prioritetli vazifesi – kelecekte Ukraina vatandaşlarınıñ Vatanına qaytmaları içün olarnıñ VİETdan başqa ülkeler vastasınen çıqışını temin etmektir.

Bu maqsatnen bir qaç normativ-uquqiy akt azırlandı. Olarnıñ büyük qısmı, kişilik ve Ukraina vatandaşlığını tasdıqlanğan vesiqalarnı aluv ve yañıdan resmiyleştirüv ceryanını teşkil etmege yönelgendir. Çünki VİETdan çıqqan vatandaşlarnıñ çoqusı ecnebiy ülkelerge vesiqalarsız kete.

Bunıñ içün Ukrainanıñ topraqlarında Devlet migratsiya hızmetiniñ Ukrainağa qatuv şeadetnamesini resmiyleştirgeni deñev leyhası meydanğa ketirildi. Tecavuzcı bir devletniñ topraqlarına mecburen ketken ve öz vesiqalarını coyğan insanlar içün bu tür şeadetnamelerni vesiqalaştıruv ve berüv, aqrabalarınıñ hitaplarına, ecnebiy vekillerge ya da ReNazirligine köre yapıla.

İdare ştabınıñ işiniñ müim qısmı – ukrainalılarnıñ sıñırları vastasınen 

evine qaytmağa ıntılğanları ülkelerniñ diplomatik munasebetlerni qurmaqtır. Bu, şu cümleden, Latviya, Litvaniya, Estoniya, Lehistan, Qazahistan, Türkiye, Gürcistan. Diplomatik işdeşlik, ukrainalılarnıñ bu ülkeleriniñ sıñırlarını keçmelerini qolaylaştırmağa yönelgendir.

Bundan ğayrı, İdare ştabınıñ yardımınen ecnebiy ülkelerde vaqtınca mesken tapqan ukrainalılarğa memuriy hızmetler berüv ceryanı mükemmelleştirildi. Böylece, bir qaç Avropa ülkelerinde “Vesiqa” DMniñ açılması yardımınen pasport vesiqalarını resmiyleştirüv ve aluv ceryanı qolaylaştırıldı.

Daa grajdan allarnı devlet qayd etüvi saasında diplomatik müessiselerniñ bergenleri hızmetler kenişletildi. Endi yaqın kelecekte eñ çoq ukrainalınıñ bulunğanı ülkelerde Vatandaşlarnıñ grajdan al aktları devlet sicilinden malümatnamelerni, şu cümleden bala doğma malümatnamesini, bere bilirler.

ReNazirliginiñ Tış işleri nazirligi, İİN, Adliye nazirligi, DMH ve içtimaiy teşkilâtlarnen işdeşligi yardımınen bütün mezkür teşebbüsler kerçekleştirmege becerdiler.