Vitse baş nazir İrına Vereşçuknıñ başlığınen keçirilgen oturış buña bağışlanğan edi. Anda Prezidentniñ Ofisiniñ reberiniñ mesleatçısı Oleksandr Kozenko, Prezidentniñ Qırım MCdeki daimiy vekili Tamila Taşeva, Qırımtatar Milliy Meclisiniñ Başı Refat Çubarov, nazirlikler, uquq qorçalayıcı ve quvet müessiseleri, içtimaiy ve uquq qorçalayıcı teşkilâtlarnıñ vekilleri iştirak ettiler.

Hadimler yedegini yaratuv, Qırımnı işğalden azat etüv ve reintegratsiya etüv strategiyasını yañartuv meseleleri, yarımadadaki insan aqlarını riayet etüv vaziyeti muzakere etildi.

Tedbir başlatqanda birinciden İrına Vereşçuk, Strategiyanı azırlağanda faal menfaatı içün Ukraina Prezidentiniñ Ofisine teşekkür ve onıñ müimligini bildirdi.

“Keçenlerde devletniñ Başı uzurında Yerli ve bölge akimiyetleriniñ kongressiniñ prezidiumınıñ oturışında yañıdan qurucı hadimler yedegini yaratıv meselesi muzakere erildi. Bu meselede nevbetli ve faal menfaatı içün Prezidentniñ Ofisine teşekkür bildirem. Biz er vaqıt alâqa quramız, laf etemiz, malümat ve azırlavlarımıznen paylaşamız. Şu anda buyruq leyhamız bar. Bugün o ilk kere muzakere etile. Yaqın kelecekte vesiqa, Nazirler Kabinetiniñ baqmasına yollanacaq” – dep memur hulâsa çıqardı.