Ruhiy sağlıq treninginde vitse baş nazir İrına Vereşçuk, spiker olaraq nutuq söyledi.

O, Olena Zelenskanıñ teşebbüs etkeni Umumiy ukrain ryhiy sağlıq programması çerçivesinde nazirlerniñ muavinleri ve icra akimiyetiniñ merkiziy organlarınıñ reberleri içün keçirildi.

Ruhiy sağlıq meselesinde devlet akimiyeti organları birleşip tek şey olmalılar, dep tedbir açqanda vitse baş nazir qayd etti.

“Şu anda ruhiy yardım saasında nazirlikler öz programmalarını azırlaylar. Amma er bir yönelişniñ eñ çabik tarzda çalışması içün ğayretlerni idare etmek ve birleştirmek kerek”, – dep İrına Vereşçuk inana.

O şunı qayd etti: ukrainalılar bütün dünyağa öz sebatı ve azimkârlığını kösterdiler, amma olarğa ruhiy destek te kerek.

Memur, stress ve ruhiy şoknen öz tecribesini añlattı. Şu cümleden, gumanitar koridorlarda ve epis etilgen askerlerni deñiştirüv ceryanlarında stresni yoq etüv tecribesini añlattı.

“Cenk tecribesi – orta büyük bir yara ve bizim acımızdır. Cenk devam ere. Tamam böyle zamanlarda milletniñ ruhiy sağlığı meselesi tek devlet siyasetini şikellendirüv işiniñ ne qadar müim olğanını añlaysıñ. Ülkemizniñ ilk hanımına, dünya seviyesinde milletniñ ruhiy sağlığı meselesi aqqında laf etmek cesareti içün teşekkür etem.  Bugün epimizniñ ruhiy reintegratsiyası, göñülden kelgen ve adiy “Nasılsıñ?” sualinden başlay. Ümüt etem ki, yaqın kelecekte ukrainalılar bu sualge sakin ve eminliknen “Yahşım!” dep cevap berecekler”, – dep İrına Vereşçuk hulâsa çıqardı.