burger

Avropa şeerleriniñ başları, azat etilgen bölgelerni yañıdan qurmağa yardım etmege azırlar

Опубліковано 20 April 2023 року, о 17:20

Şeerler ve bölgeler halqara sammitinde vitse baş nazir İrına Vereşçuk işttirak ete. Ukraina Prezidenti uzurında Yerli ve bölge akimiyetleri kongressiniñ imayesinde mezkür tedbir keçirir.

Prezidentniñ Ofisiniñ Reberiniñ muavini Oleksiy Kuleba, Yuqarı Şuranıñ Başı Ruslan Stefançuk, baş nazir Denıs Şmıhal, em de halqara cemaatnıñ şöyle vekilleri: ABniñ bölgeler eyyetiniñ Prezidenti Vasko Alves Kordeyru ve AŞnıñ yerli ve bölge akimiyetleri eyyetiniñ Prezidenti Lindert Verbek sammitni açqanda söz ayttılar.

Bu tedbir, em milliy, em de halqara seviyelerde yerli öz idare organlarınıñ vekilleriniñ iştirakinen semereli muzakere içün bir meydançıq oldı. Şu cümleden, vatandşlarğa ve bölgelerge azat etilgen topraqlarnı yañıdan qurmağa ve ayat yaratmağa yardım etmek içün.

Topraqlarnıñ reintegartsiyası ve gumanitar meselelerge bağışlanğan muzakerede ReNazirliginiñ reberi de iştirak etti.

“Bugün Ükümet, şeerler ve vilâyetlerniñ reberleri, biz epimiz Silâlı Quvetlernen omuz-omuzına bizim devletligimiz, mustaqilligimiz, halqımız içün cenkleşemiz. Bölge ve yerli akimiyetlerniñ ayrı rolüni qayd etmege isteyim. Tamam olar yerlerde şu qıymetlenemegen idareni temin ettiler: tahliye ceryanını temin ettiler, çoq biñ vatandaşnı yerleştirdiler. İnsanlarğa mesken ve telükesizlik duyğusınnı berdiler. Amma kelecekte çoq işimiz bar – bütün ukrain topraqlarını işğalden azat etüv. Ve bizge yardım kerek. Lehistan, Çehiya, Daniya, Frenkistan, İtaliya ve Almaniyadaki bizim ortaqlarımızğa muracaat etem. Bizim bölgelerimizni yañıdan qurmağa yardım etiñiz! Özümizge inanamız kibi bizge inanıñız”, – dep İrına Vereşçuk çağırdı.

Sammitniñ neticesinde halqara seviyede yerli öz idare organları arasında işdeşligi pekitecek, şeerler ve bölgeler arasında bir qaç añlaşma imzalanacaq.