Birinci kanalnıñ canlı yayınında vitse baş nazir İrına Vereşçuk bunı bildirdi. O, tedbirniñ keniş halqara boşluqqa saip olmasınıñ müimligini qayd etti. Ukrainanıñ paytahtında ecnebiy ülkelerniñ vekilleri: şeerler ve bölgelerniñ başları, icra organlarınıñ ve assotsiatsiyalarnıñ reberleri, Avropa Şurasınıñ Kongressiniñ vekilleri ve başqa musafirler toplandılar. Ukrain tarafı bölgeler, şeerler, cemaatlarnıñ reberleri ve başqalarından ibarettir.

Onıñ sözlerine köre pek yahşı köstergiç oldı ki, mezkür sammit vaqtında  bazı ukrain ve ecnebiy şeerleri arasında ilk ortaq añlaşmaları imzalandılar. Nazirler, VAMmiñ reberleri, şeerlerniñ başları ve başqa memurlar bir-birinen qonuşa bildiler. Çünki kerçekten de bir qaç ay devamında mektüpleşmek ve areketlerni muzakere etmek içün vaqtımız yoq, dep memur qayd etti.

“Bu sammit müim oldı, çünki o çabik kommunikatsiya qurmağa imkân bere. Kelecekte ukrain ve ecnebiy şeerleri, işdeşliginiñ kelecek adımlarını uyğunlaştıracaqlar. Eñ müim şey – körgenimiz şeryler: bizim dostlarımız ve ortaqlarımız bizge yardım etmege, topraqlarımıznı yañıdan qurmağa ve insanlarğa yatırım yapmağa azırlar. Çünki añlaşmalarnıñ ortasında insan ve onıñ varlığı olmalı”, – dep İrına Vereşçuk hulâsa çıqardı.