Vitse baş nazir İrına Vereşçuknıñ başlığınen İşğalden azat etilgen topraqlar meseleleri idare ştabınıñ oturışı keçirildi.

Kün mevzusı, Harkiv vilâyetiniñ işğalden azat etilgen topraqlarınıñ sakinleriniñ qarşılaşqanları meseleler ve çağıruvlar oldılar.

Şu cümleden, energetika saası, minasızlaştıruv, içtimaiy kefaletler, azat etilgen cemaatnıñ tasilcilerine aylıq ödeme meseleleri muzakere etildi.

Tasil nazirliginiñ vekilleri inandırdılar ki, yaqın kelecekte Harkiv vilâyetiniñ işğalden azat etilgen topraqlarında tasilcilerge aylıq ödeme borcunı ödeycekler.

Energetika nazirligi bildirdi ki, şu anda vilâyetniñ qızdıruv teminatçılarına ve suv-kanalizatsiya müessiselerine borclarını ödemege imkâñ berecek energiya taşıyıcılarınıñ borclarını tazminatı ödeme yol-yoruğı endi azırlandı.

Bundan ğayrı Ükümet, telükeli bölgelerde devlet organlarınıñ işçilerine aylıqnı arttıruvğa dair meseleni al ete.

“USQniñ topraqlarnı duşmandan azat etkenleri tezliginen olarnı yañıdan qurmalımız. İnsanlarnıñ çabikçe adiy yaşayışına qaytmaları içün şimdi er bir seviyede ğayretlerimizni köstermelimiz. Cevapkârsız olmağa aqqımız yoq. Bu olmaz bir şey! Ümüt etem ki, er bir cevapkâr insan meni eşitti!” – dep vitse baş nazir İrına Vereşçuk qayd etti.