2014 senesi Qırım işğal etilgen soñ rus akimiyeti qırımtatalarğa qarşı muntazam tarzda cinayet yapa. Qorqutuvlar, tintüvler, qanunsız tutuvlar ve tevqifler, tamır halqlarına nefret yaratuv – rus mahsus hızmetleriniñ işiniñ adiy usullarıdır.

İşğal akimiyetiniñ daa bir ciddiy cinayeti – qırımtatar Leniye Umerovnı hırsızlav ve qanunsız tutuvdır. Onkologiyanen hastalanğan babasını ziyaret etmek maqsadınen ketken onı Qırımğa yolda tuttılar. Ruslar qadınnı hırsızlap, Vladıkavkaz şeerine ketirdiler, anda oña qarşı üç cinaiy dava sahteleştirdiler. Dört aydır andaki SİZOda onı zornen tutalar.

Böyle areketlerinen rus akimiyeti, Cenk vaqtında grajdan ealini qorçalav aqqında şartnameniñ maddelerini boza.

Ecnebiy ülkelerniñ ükümetlerine ve halqara teşkilâtlarğa, şu cümleden Halqara Qırım platformasınıñ iştirakçilerine aşağıdaki talaplarnen muracaat etemiz:

– rf ve vaqtınca işğal etilgen topraqlarında bulunğan Ukraina vatandaşlarınıñ aqlarını yañı ciddiy bozmalarnı evelden yoq etmek maqsadınen rusiye federatsiyasına diplomatik, sanktsiya ve tesirniñ başqa usullarını quvetlendirmege;

– Ukraina Ükümetine Qırımda ve başqa vaqtınca işğal etilgen topraqlarda insan aqlarını ciddiy bozmalar, insaniyetlikke qarşı cinayetler, cenk cinayetlerini taqiq etmege yardım etmege.

Bu davanı acelen diqqatnen baqmalarını ve Ukraina vatanşdaşı Leniye Umerovanı azat etmelerini talap etemiz!