Kıyiv şeerinde «Qırım Wave» gençlik forumı keçirildi. Anda siyasiy, iqtisadiy, medeniy-malümat ve başqa saalarından mütehassıslar iştirak ettiler. Siyasiy tarzda faal olğan gençliknen açıq muzakereler ve subetler keçirildi. Çünki tamam gençlik, bu ceryanıñ esas yerini alacaq.

Forumda Ukrainanıñ vaqtınca işğal etilgen topraqlarınıñ reintegratsiya meseleleri naziriniñ muavini Anatoliy Stelmah edi. O, Qırım işğalden azar etilecek soñ Ukrainanıñ anda baş adımlarını añlattı:

– devlet akimiyetiniñ organlarını yañıdan teşkil etmek;

– rus arbiy bazalarını silâsızlaştırmaq;

– devlet hainlikçileri ve duşmannen işdeşlik yapqan insanlarnı mesüliyetke çekmek;

– Ukraina vatandaşlarını uquqiy tarzda qorçalamaq;

– malümat telükesizligini temin etmek.

Mezkür plannı kerçekleştirmek içün ReNaziligi Prezidentniñ Ofisinen ve Prezidentniñ QMCdeki Vekilliginen işdeşlik yapa. Şu cümleden, yañıdan qurucı hadimler yedegi meselesine dair. Şu anda ReNazirligi, maqbul normativ-uquqiy akt üzerinde çalışa.

Forumnıñ iştirakçileri qayd ettiler ki, Qırım işğalden azat etilecek soñ birinciden arbiy memuriyet teşkil etilmeli. Bundan soñ – arbiy-grajdan memuriyet. Bundan soñ da saylavlarnı keçirmek kerek.

“Çoqusı allarda tamır halqına, veteranlarğa ve vatanperver mütehassıslarğa bu vazifelerni berecekler”, – dep Anatoliy Stelmah qayd etti.