Müessiselerarası ruhiy sağlıq qorçalav ve Ukrainağa qarşı rus tecavuzı neticesinde zarar körgen insanlarğa ruhiy yardım berüv meseleleri idare şurasınıñ kenişlegen oturışında bunı muzakere ettiler.

Devletniñ birinci hanımı Olena Zelenska ve baş nazir Denıs Şmıhalnıñ iştirakinen keçirildi. Tedbirde vitse baş nazir İrına Vereşçuk te iştirak etti.

Devletniñ birinci hanımınıñ teşebbüs etkeni Umumiy ukrain ruhiy sağlıq programması çerçivesinde mezkür oturış keçirildi.

Vitse baş nazir qayd etti ki, keçenlerde Ükümet “Grajdan ealini destek idare merkezleri aqqında”  buyruğını tasdıqladı. Olar vilâyet, Kıyiv şeer devlet (arbiy) memuriyetleri uzurında çalışacaqlar ve ealini destek hızmetlerini bericiler arasında idare aleti olacaqlar. VAMden ğayrı, olarnıñ terkibine halqara ve ukran gumanitar teşkilâtlarnıñ vekilleri ve ihtisaslı mütehassılar: ruhiyatçılar, uquqçılar, idareciler, keys-menecerler ve başqaları qatılmalılar.

“Tamam idare saasını yahşılaştırıp, gumanitar servisniñ keyfiyeti ve tezligi temin etilecek. Bunı içün VAM, eñ yahşı platformadır. Çünki tamam anda tolu miqyaslı cenkniñ birinci senesi boyunca gumanitar qarşılıqnı idarenen bağlı eñ çoq ameliy tecribe alındı”, – dep İrına Vereşçuk qayd etti.