“Rada” telekanalınıñ canlı yayınında vitse baş nazir İrına Vereşçuk bunı qayd etti. Onıñ sözlerine köre, ukrain Ükümeti vaqtınca işğal etilgen topraqlarda duşman pasportlaştıruvını duşman silâsı olaraq tanıy. Bu, duşmannıñ ukrain topraqlarında bulunmasını qanunlaştırmağa ıntılğanı duşman bir aletidir.

Vitse baş nazir qoştı ki, ayatnı qurtarmaq içün pasportnı mecburen almaq – cinayet olmay. Eger insan pasportnı alsa ve duşmannen işdeşlik ya da ukrain qanunlarına mücibi qanunsız areketler yapsa, öz vaqtında vekâletli organlar bunı uquqiy şekilde qıymetlendirirler.

“Harkiv ve Herson vilâyetleriniñ tecribesi köstredi ki, adalet yañıdan yaratılacaqtır. Bunıñ içün men VİETda insanlarnı em yatıştırmağa, em de tenbiyelemege isteyim: bu vaqialar ceetinde ve vaziyetinde rus pasportını aluv vaqiaları baqılacaqlar. Ükümet olaraq bizim tevsiyemiz, deñişmez: duşmannen işdeşlikten qıçıñız, imkânıñız olsa, duşman pasportını almañız, imkânıñız olsa – çıqıñız ya da USQni bekleñiz. Biz o yerge mıtlaqa kelecekmiz!” – dep İrına Vereşçuk hulâsa çıqardı.